നാ​ഥ​നി​ല്ലാ ക​ള​രി​യാ​യി മു​ട്ടാ​ർ വി​ല്ലേ​ജ് ഓ​ഫീ​സ്
Wednesday, September 13, 2017 9:34 AM IST
രാ​മ​ങ്ക​രി: മു​ട്ടാ​ർ വി​ല്ലേ​ജ് ഓ​ഫീ​സ് നാ​ഥ​നി​ല്ലാ ക​ള​രി​യാ​യെ​ന്ന ആ​ക്ഷേ​പം ഉ​യ​രു​ന്നു. ഓ​ഫീ​സി​ൽ ആ​കെ​യു​ള്ള നാ​ലു ജീ​വ​ന​ക്കാ​രി​ൽ ഇ​ന്ന​ലെ രാ​വി​ലെ 11.30 നു​മു​ന്പ് ആ​രും എ​ത്തി​യി​ല്ലെ​ന്നും ആ​രോ​പ​ണ​മു​ണ്ട്.

ഇ​വി​ടെ വി​വി​ധ ആ​വ​ശ്യ​ങ്ങ​ൾ​ക്കാ​യി എ​ത്തു​ന്ന​വ​ർ മ​ണി​ക്കൂ​റു​ക​ൾ കാ​ത്തു നി​ൽ​ക്കേ​ണ്ട അ​വ​സ്ഥ​യാ​ണ്. നി​ല​വി​ൽ ഉ​ണ്ടാ​യി​രു​ന്ന വി​ല്ലേ​ജ് ഓ​ഫീ​സ​ർ ര​ണ്ടു​മാ​സം മു​ന്പ് സ്ഥ​ലം മാ​റി പോ​യ​തോ​ടെ​യാ​ണ് പ്ര​ശ്നം രൂ​ക്ഷ​മാ​യ​തെ​ന്നു പ​റ​യു​ന്നു.

പ​ക​രം ത​ല​വ​ടി വി​ല്ലേ​ജ് ഓ​ഫീ​സ​ർ​ക്ക് ചാ​ർ​ജ് ന​ൽ​കി​യി​ട്ടു​ണ്ടെ​ങ്കി​ലും മ​റ്റു ജീ​വ​ന​ക്കാ​രെ കാ​ണേ​ണ്ട രീ​തി​യി​ൽ ക​ണ്ടെ​ങ്കി​ൽ മാ​ത്ര​മേ ഇ​വി​ടെ കാ​ര്യ​ങ്ങ​ൾ ന​ട​ക്കൂ എ​ന്ന​താ​ണ് സ്ഥി​തി എ​ന്നും ആ​ക്ഷേ​പ​മു​ണ്ട്.

വ​സ്തു​വി​ന്‍റെ ക​ര​മ​ട​യ്ക്കാ​നും മ​റ്റും ചെ​ന്നാ​ൽ ര​സീ​ത് പോ​ലും തീ​ർ​ന്നു പോ​യ​താ​യാ​ണ് ജീ​വ​ന​ക്കാ​രു​ടെ പ​തി​വ് പ​ല്ല​വി എ​ന്നും നാ​ട്ടു​കാ​രി​ൽ ചി​ല​ർ പ​റ​യു​ന്നു. പ​ല ആ​വ​ശ്യ​ങ്ങ​ൾ​ക്കാ​യി പ​തി​വു​പോ​ലെ ഇ​ന്ന​ലെ​യും നി​ര​വ​ധി​പേ​ർ രാ​വി​ലെ മു​ത​ൽ ത​ന്നെ ജീ​വ​ന​ക്കാ​രെ​യും കാ​ത്ത് ഓ​ഫീ​സി​നു മു​ന്നി​ൽ നി​ന്നി​രു​ന്നെ​ങ്കി​ലും ഒ​രു ജീ​വ​ന​ക്കാ​ര​ൻ പോ​ലും സ​മ​യ​ത്ത് ഓ​ഫീ​സി​ൽ എ​ത്തി​യി​രു​ന്നി​ല്ല.

ആ​രും എ​ത്താ​തെ വ​ന്ന​തോ​ടെ ഫോ​ണ്‍ ചെ​യ്തു ചി​ല​ർ ന​ട​ത്തി​യ അ​ന്വേ​ഷ​ണ​ത്തി​നി​ടെ​യാ​ണ് ആ​കെ​യു​ള്ള നാ​ലു ജീ​വ​ന​ക്കാ​രി​ൽ ഒ​രാ​ൾ ആ​ശു​പ​ത്രി​യി​ലും മ​റ്റൊ​രാ​ൾ മീ​റ്റിം​ഗി​ലു​മെ​ന്നാ​ണ്. ചാ​ർ​ജുള്ള വി​ല്ലേ​ജ് ഓ​ഫീ​സ​ർ​പോ​ലും കൃ​ത്യ​മാ​യൊ​രു വി​വ​രം ന​ൽ​കാ​ൻ ത​യാ​റാ​യി​ല്ലെ​ന്നും നാ​ട്ടു​കാ​ർ പ​റ​ഞ്ഞു.

കാ​ത്തു നി​ന്നു മ​ടു​ത്ത ജ​നം ഉ​ച്ച​യോ​ടെ ഏ​റെ​ക്കു​റെ തി​രി​ച്ചു പോ​യി​രു​ന്നു. അ​വ​ശേ​ഷി​ച്ച ഏ​താ​നും പേ​ർ കൂ​ടി തി​രി​ച്ചു പോ​കാ​നൊ​രു​ങ്ങ​വെ 12.30ഓ​ടെ ഒ​രു ജീ​വ​ന​ക്കാ​ര​ൻ ഓ​ഫീ​സി​ലെ​ത്തി​യ​താ​യാ​ണ് വി​വ​രം. ഓ​ഫീ​സി​ന്‍റെ വ​ഴി​വി​ട്ട പ്ര​വ​ർ​ത്ത​ന​ത്തി​നെ​തി​രേ അ​ടി​യ​ന്തി​ര ന​ട​പ​ടി സ്വീ​ക​രി​ക്കാ​ൻ അ​ധി​കൃ​ത​ർ ത​യാ​റാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.