ഒ​ന്നാം​വി​ള കൊ​യ്ത്തിനിടെ മ​ഴ ക​ന​ത്ത​ത് സ്വ​കാ​ര്യ അ​രി​മി​ല്ലു​കാ​ർ​ക്ക് ചാ​ക​രയായി
Monday, September 18, 2017 11:51 AM IST
വ​ട​ക്ക​ഞ്ചേ​രി: പാ​ട​ശേ​ഖ​ര​ങ്ങ​ളി​ൽ ഒ​ന്നാം​വി​ള കൊ​യ്ത്ത് സ​ജീ​വ​മാ​യി ന​ട​ന്നു​കൊ​ണ്ടി​രി​ക്കെ അ​പ്ര​തീ​ക്ഷി​ത​മാ​യി മ​ഴ ക​ന​ത്ത​ത് സ്വ​കാ​ര്യ അ​രി​മി​ല്ലു​കാ​ർ​ക്ക് ചാ​ക​ര​യാ​യി. മ​ഴ തു​ട​രു​ന്ന​തി​നാ​ൽ കൊ​യ്ത നെ​ല്ല് വീ​ട്ടി​ലോ ക​ള​ത്തി​ലോ സൂ​ക്ഷി​ക്കാ​ൻ ക​ഴി​യാ​ത്ത​തി​നാ​ൽ കി​ട്ടു​ന്ന വി​ല​ക്ക് നെ​ല്ല് വി​ൽ​ക്കേ​ണ്ട ഗ​തി​കേ​ടി​ലാ​ണ് ക​ർ​ഷ​ക​ർ.

സ​പ്ലൈ​കോ നെ​ല്ല് സം​ഭ​ര​ണം ആ​രം​ഭി​ക്കാ​ത്ത​തി​നാ​ൽ മി​ല്ലു​കാ​ർ​ക്കും ക​ർ​ഷ​ക​രെ പി​ഴി​യാ​ൻ വ​ലി​യ സ​ഹാ​യ​ക​മാ​യി​ട്ടു​ണ്ട്. നെ​ല്ലി​ന്‍റെ സം​ഭ​ര​ണ​വി​ല 23.30 രൂ​പ​യാ​ണെ​ങ്കി​ലും സ്വ​കാ​ര്യ​മി​ല്ലു​കാ​ർ ഡി​മാ​ന്‍റു​ള്ള ജ്യോ​തി നെ​ല്ല് എ​ടു​ക്കു​ന്ന​ത് 21 രൂ​പ​ക്കും അ​തി​നു​താ​ഴെ വി​ല ന​ൽ​കി​യാ​ണ്. കാ​ഞ്ച​ന നെ​ല്ല് വാ​ങ്ങു​ന്ന​ത് 18 രൂ​പ​യ്ക്കാ​ണെ​ന്ന് ക​ർ​ഷ​ക കോ​ണ്‍​ഗ്ര​സ് മ​ണ്ഡ​ലം പ്ര​സി​ഡ​ന്‍റ് പി. ​സു​ദേ​വ​ൻ പ​റ​ഞ്ഞു.

സ​പ്ലൈ​കോ​യും സ്വ​കാ​ര്യ​മി​ല്ലു​കാ​രും ത​മ്മി​ലു​ള്ള ഒ​ത്തു​ക​ളി​യി​ലാ​ണ് സ​പ്ലൈ​കോ​യു​ടെ നെ​ല്ല് സം​ഭ​ര​ണ​മെ​ന്നാ​ണ് ക​ർ​ഷ​ക​രു​ടെ ആ​രോ​പ​ണം.ഒ​ന്നാം​വി​ള​കൊ​യ്ത്ത് തു​ട​ങ്ങി ആ​ഴ്ച​ക​ളേ​റെ​യാ​യി​ട്ടും സ​പ്ലൈ​കോ നെ​ല്ല് സം​ഭ​രി​ക്കാ​ത്ത​ത് ഈ ​അ​വി​ശു​ദ്ധ കൂ​ട്ടു​കെ​ട്ടി​ന്‍റെ തെ​ളി​വാ​ണ്. പ​ല ഭാ​ഗ​ങ്ങ​ളി​ലും സ​പ്ലൈ​കോ​യു​ടെ​യും മി​ല്ലു​കാ​രു​ടെ​യും ഏ​ജ​ന്‍റു​മാ​രും ഒ​രേ ആ​ൾ​ക്കാ​ർ​ത​ന്നെ​യാ​ണെ​ന്നും ആ​രോ​പ​ണ​മു​ണ്ട്. സ​പ്ലൈ​കോ നെ​ല്ല് എ​ടു​ക്ക​ണ​മെ​ങ്കി​ൽ ക​ട​ന്പ​ക​ളേ​റെ ക​ട​ക്ക​ണം. മ​ഴ​ക്കാ​ല​ത്ത് നെ​ല്ല് ഉ​ണ​ക്കി പൊ​ടി​യും ക​ര​ടും ക​ള​ഞ്ഞ് വൃ​ത്തി​യാ​ക്കി​യ നെ​ല്ല് മാ​ത്ര​മേ സ​പ്ലൈ​കോ സം​ഭ​രി​ക്കൂ. എ​ന്നാ​ൽ സ്വ​കാ​ര്യ​മി​ല്ലു​കാ​രു​ടെ ഏ​ജ​ന്‍റു​മാ​ർ പാ​ട​ത്ത് വ​ന്ന് നെ​ല്ല് എ​ടു​ക്കും.

സ​പ്ലൈ​കോ​യു​ടെ നെ​ല്ല് സം​ഭ​ര​ണ നി​ബ​ന്ധ​ന​ക​ൾ ക​ർ​ശ​ന​മാ​ക്കി​യ​തും സ്വ​കാ​ര്യ​മി​ല്ലു​കാ​ർ​ക്കാ​ണ് നേ​ട്ടം. നെ​ല്ല് മു​ഴു​വ​ൻ മി​ല്ലു​ക​ളി​ലേ​ക്ക് വ​രും. സ​പ്ലൈ​കോ ഇ​നി നെ​ല്ല് സം​ഭ​രി​ക്കാ​ൻ ഇ​റ​ങ്ങു​ന്പോ​ൾ നെ​ല്ല് ഇ​ല്ലാ​താ​കും. പി​ന്നീ​ട് സ്വ​കാ​ര്യ​മി​ല്ലു​കാ​രു​ടെ ഏ​ജ​ന്‍റു​മാ​ർ​ത​ന്നെ സ​പ്ലൈ​കോ​ക്ക് നെ​ല്ല് എ​ത്തി​ക്കു​ന്ന ന​ട​പ​ടി​ക​ളും ഉ​ണ്ടാ​കു​ന്നു​ണ്ടെ​ന്നാ​ണ് ആ​ക്ഷേ​പം.