കു​ല​ചീ​യ​ൽ രോഗം: എ​ണ്ണ​പ്പ​ന ക​ർ‌​ഷ​ക​ർ​ ആശങ്കയിൽ
ചെ​റു​വ​ത്തൂ​ർ: എ​ണ്ണ​പ്പ​ന കൃ​ഷി​ക്കി​റ​ങ്ങി​യ ക​ർ​ഷ​ക​ർ​ക്ക് ആ​ശ​ങ്ക ഉ​ണ്ടാ​ക്കി കു​ല ചീ​യ​ൽ വ്യാ​പ​ക​മാ​കു​ന്നു. ഈ​സ്റ്റ് എ​ളേ​രി പ​ഞ്ചാ​യ​ത്തി​ൽ 11 ക​ർ​ഷ​ക​രാ​ണ് എ​ണ്ണ​പ്പ​ന കൃ​ഷി ചെ​യ്തു വ​രു​ന്ന​ത്. വി​വി​ധ സ്ഥ​ല​ങ്ങ​ളി​ലാ​യി മ​റ്റു​വി​ള​ക​ളു​ടെ തോ​ട്ട​ങ്ങ​ളോ​ട് ചേ​ർ​ന്ന് ക​ഴി​ഞ്ഞ മൂ​ന്ന് വ​ർ​ഷ​മാ​യി ചെ​യ്തു വ​രു​ന്ന ഇ​വ​രു​ടെ പ്ര​തീ​ക്ഷ​ക​ൾ ത​ളി​രി​ട്ട ഇ​ക്കൊ​ല്ലം കു​ല​ച്ച കു​ല​ക​ൾ മി​ക്ക​തും ചീ​ഞ്ഞു പോ​കു​ക​യാ​യി​രു​ന്നു.

ഏ​താ​ണ്ട് 1300ൽ​പ്പ​രം പ​ന​ക​ൾ ഇ​വി​ടെ​യു​ണ്ട്. ഇ​ന്ത്യ​ൻ ഓ​യി​ൽ പാം ​പ​രി​ശീ​ല​ന​ത്തി​ൽ പ​ങ്കെ​ടു​ത്ത 11 ക​ർ​ഷ​ക​രാ​ണ് ജി​ല്ല​യി​ൽ ആ​ദ്യ​മാ​യി എ​ണ്ണ​പ്പ​ന കൃ​ഷി​യു​മാ​യി മുന്നിട്ടിറ​ങ്ങി​യ​ത്. കോ​ട്ട​യ​ത്ത് നി​ന്നും കൊ​ണ്ടു​വ​ന്ന പ​ന വ​ള​ർ​ന്നു വ​ന്ന​പ്പോ​ൾ ക​ർ​ഷ​ക​രു​ടെ മ​ന​സി​ൽ പ്ര​തീ​ക്ഷ​ക​ളും വാ​നോ​ള​മാ​യി.ത​യ്യേ​നി അ​ത്തി​യ​ടു​ക്ക​ത്തെ ബെ​ന്നി ക​യ്ച്ചി​റ​മ​റ്റം, ന​ല്ലോം​പു​ഴ​യി​ലെ ജോ​സ​ഫ് ഉ​ൾ​പ്പെ​ടെ 11 ക​ർ​ഷ​ക​രാ​ണ്എ​ണ്ണ​പ്പ​ന കൃ​ഷി​ക്ക ന​ട​ത്തി​യ​ത്.

ചെ​റു​വ​ത്തൂ​രി​ൽ ന​ട​ന്ന ക​ർ​ഷ​ക​രു​ടെ മു​ഖാ​മു​ഖ​ത്തി​ൽ ഈ​സ്റ്റ് എ​ളേ​രി കൃ​ഷി ഭ​വ​നി​ലെ അ​സി. കൃ​ഷി ഓ​ഫീ​സ​ർ കെ. ​രാ​ജേ​ഷ്, ക​ർ​ഷ​ക​നാ​യ ജേ​ക്ക​ബ് ഞെ​ഴു​കുംകാ​ട്ടി​ൽ എ​ന്നി​വ​രാ​ണ് മ​ല​യോ​ര​ത്തെ പു​തി​യ കൃ​ഷി​യു​ടെ സാ​ധ്യ​ത​ക​ളും ആ​ശ​ങ്ക​ക​ളും അ​വ​ത​രി​പ്പി​ച്ച​ത്. എ​ണ്ണ​പ്പ​ന കൃ​ഷി​ക്ക് ഏ​റെ സാ​ധ്യ​ത​യു​ണ്ടെ​ങ്കി​ലും അ​ഞ്ചാം കൊ​ല്ലം മു​ത​ൽ ന​ല്ല വി​ള​വ് നേ​ടാ​നാ​വു​ന്ന കൃ​ഷി​യി​ൽ കു​രു സം​സ്ക​രി​ക്കാ​ൻ സം​വി​ധാ​നം ക​ണ്ണൂ​ർ-​കാ​സ​ർ​ഗോ​ഡ് ജി​ല്ല​ക​ളി​ൽ ഇ​ല്ല എ​ന്ന​താ​ണ് ആ​ദ്യ ക​ട​മ്പ​യാ​വു​ന്ന​ത്. വി​ള​വെ​ടു​ത്ത് ആ​റു മ​ണി​ക്കൂ​റി​നു​ള്ളി​ൽ സം​സ്ക​രി​ക്കാ​നു​ള്ള ശാ​ല​ക​ളി​ൽ എ​ത്തി​ക്കേ​ണ്ട​തു​ണ്ട്. അതേസ​മ​യം എ​ണ്ണ​പ്പ​ന​ക​ളു​ടെ കു​ല​ക​ൾ ചീ​ഞ്ഞു പോ​യ​ത് പ​രി​ശോ​ധി​ക്കാ​ൻ കാ​സ​ർ​ഗോ​ഡ് കേ​ന്ദ്ര തോ​ട്ട​വി​ള ഗ​വേ​ഷ​ണ കേ​ന്ദ്ര​ത്തി​ലെ ഡോ. ​സു​ബ്ര​ഹ്മ​ണ്യ​ന്‍റെ നേ​തൃ​ത്വ​ത്തി​ൽ ഗ​വേ​ഷ​ക​ർ അ​ടു​ത്തു ത​ന്നെ മ​ല​യോ​രം സ​ന്ദ​ർ​ശി​ക്കു​മെ​ന്ന് ക​ർ​ഷ​ക​ർ​ക്ക് ഉ​റ​പ്പ് കൊ​ടു​ത്തി​ട്ടു​ണ്ട്.

തെ​ങ്ങോ​ല പു​ഴു​ക്ക​ളു​ടെ ആ​ക്ര​മ​ണ​വും മ​ഞ്ഞ​ളി​പ്പും രൂ​ക്ഷ​മാ​കു​ന്നു

ചെ​റു​വ​ത്തൂ​ർ: മ​ല​യോ​ര പ​ഞ്ചാ​യ​ത്തു​ക​ളി​ൽ മ​ഞ്ഞ​ളി​പ്പും തെ​ങ്ങോ​ല പു​ഴു​ക്ക​ളു​ടെ ആ​ക്ര​മ​ണ​വും രൂ​ക്ഷ​മാ​കു​ന്ന​ു . ഈ​സ്റ്റ് എ​ളേ​രി, വെ​സ്റ്റ് എ​ളേ​രി, ബ​ളാ​ൽ പ​ഞ്ചാ​യ​ത്തു​ക​ളി​ലെ വി​വി​ധ കേ​ന്ദ്ര​ങ്ങ​ളി​ൽ കാ​ർ​ഷി​ക സം​ഘ​ട​ന​ക​ളും മ​റ്റും ന​ട​ത്തി​യ പരിശോധനയിലാണ് ഇ​വ​കണ്ടെത്തിയത്. മ​ണ്ണി​ന്‍റെ ചെ​രി​വു​ക​ൾ കൂ​ടു​ത​ലാ​യ​യു​ള്ള ഇ​വി​ട​ങ്ങ​ളി​ൽ പോ​ഷ​ക​ങ്ങ​ൾ ന​ഷ്ട​പ്പെ​ടു​ന്ന​താ​ണ് പ്ര​ധാ​ന കാ​ര​ണം. ഇ​വി​ട​ങ്ങ​ളി​ൽ വേ​രു തീ​നി പു​ഴു​ക്ക​ളും കൂ​ടു​ത​ലാ​യു​ണ്ട്. തെ​ങ്ങോ​ല പു​ഴു​ക്ക​ളു​ടെ ആ​ക്ര​മ​ണ​ങ്ങ​ളി​ൽ ര​ക്ഷ നേ​ടാ​ൻ എ​തി​ർ പ്രാ​ണി​ക​ളെ വ​ള​ർ​ത്തി ഇ​വ​യെ ന​ശി​പ്പി​ക്കാ​മെ​ന്നാ​ണ് ക​ണ്ടെ​ത്തി​യി​രി​ക്കു​ന്ന​ത്. കാ​സ​ർ​ഗോ​ഡ് ആ​ത്മ യു​ടെ നേ​തൃ​ത്വ​ത്തി​ൽ കൃ​ഷി​യി​ട​ങ്ങ​ളി​ൽ ത​ന്നെ ഡെ​മോ​ൺ​സ്ട്രേ​ഷ​ൻ ന​ട​ന്നു വ​രു​ന്നു​ണ്ടെ​ന്നും മു​ഖാ​മു​ഖ​ത്തി​ൽ അ​ധി​കൃ​ത​ർ പ​റ​ഞ്ഞു.


ഉ​റു​മീ​സ് കു​ത്തോ​ട്ടു​ങ്ക​ൽ