ദമാം : വർഷംതോറും ഫുട്ബോൾ മേളകൾ സംഘടിപ്പിക്കാറുള്ള അൽ കോബാർ യുണൈറ്റഡ് ഫുട്ബോൾ ക്ലബിന്‍റെ ഈ വർഷത്തെ ഫുട്ബോൾ മേള ഒക്ടോബർ ആദ്യവാരം സംഘടിപ്പിക്കും. അന്താരാഷ്ട്ര നിലവാരമുള്ള സ്റ്റേഡിയത്തിൽ അരങ്ങേറുന്ന ഫുട്ബോൾ മേള ദമാം ഇന്ത്യൻ ഫുട്ബോൾ അസോസിയേഷന്റെ സഹകരണത്തോടെ ക്ലബിന്‍റെ പത്താം വാർഷികത്തിന്‍റെ ഭാഗമായാണ് സംഘടിപ്പിക്കുന്നത്.
യുഎസ്ജി ബോറൽ കന്പനി മേളയുടെ മുഖ്യ പ്രായോജകരാവും. ടൂർണമെന്‍റിന്‍റെ ബ്രോഷർ പ്രകാശനം ദാദാബായ് ട്രാവൽസ് ജനറൽ മാനേജർ ഹാരിസ് ശംസുദ്ദീൻ ക്ലബ് ചെയർമാൻ രാജു കെ. ലുക്കാസിന് നൽകി നിർവഹിച്ചു. മുഹമ്മദ് നിഷാദ്, ഷമീം, ആശി മൊഗ്രാൾ, സി. അബ്ദുൽ റസാക്, റഷീദ് മനമാറി, ഷബീർ ആക്കോട്, ഷബീർ അബ്ദുള്ള, ശിഹാബ് നിലു, ശരീഫ് മാണൂർ, നൗശാദ് അലനല്ലൂർ, അഷ്റഫ് തലപ്പുഴ എന്നിവർ സംബന്ധിച്ചു. കിഡ്നി രോഗം ബാധിച്ച നിർധനയായ യുവതിക്കുള്ള ക്ലബ് സമാഹരിച്ച ധനസഹായം യോഗത്തിൽ വച്ചു കൈമാറി. ജാസിം, നസീം, ഫൈസൽ, മാത്യു തോമസ്, റിയാസ് എടത്തനാട്ടുകര എന്നിവർ പരിപാടിക്ക് നേത്യത്വം നൽകി.
റിപ്പോർട്ട്: അനിൽ കുറിച്ചിമുട്ടം