സാൽമിയ (കുവൈത്ത്): കുവൈത്ത് കേരള ഇസ്ലാഹി സെന്‍ററിന് കീഴിൽ അമ്മാൻ സ്ട്രീറ്റിൽ അൽ റാഷിദ് ഹോസ്പിറ്റലിന് എതിർവശത്തുള്ള മലയാള ഖുത്ബ നടക്കുന്ന ലത്തീഫ അൽ നിമിഷിൽ റംസാനിലെ എല്ലാ ദിവസവും സംഘടിപ്പിച്ച പഠനക്ലാസിന്‍റെയും സമൂഹ നോന്പുതുറയുടെയും ഭാഗമായി നടത്തിയ ക്വിസ് മത്സര വിജയികളെ പ്രഖ്യാപിച്ചു.
മുഹമ്മദ് ശരീഫ്, അബാസ്, അജിനാസ്, ഹാഷിം, ഫരീദ, റജീന, ജെസീത, നാജിയ, നസീല, റോഷ്നി, വാരിസ, സൽമ അലി, അറഫാന, ശസ അമീൻ എന്നിവരാണ് വിജയികളായത്. പരിശുദ്ധ റംസാനും ഖുർആനും അടിസ്ഥാനമാക്കിയായിരുന്നു മത്സരം. വിജയികൾക്ക് മസ്ജിദ് നിമിഷ് ഖത്വീബ് പി.എൻ. അബ്ദുറഹ് മാൻ, ബൈത്തുസകാത് പ്രതിനിധി ഐമൻ എന്നിവർ സമ്മാനങ്ങൾ വിതരണം ചെയ്തു.
റിപ്പോർട്ട്: സലിം കോട്ടയിൽ