റിയാദ്: ടീം ഈഗിൾസിന്റെ നേതൃത്വത്തിൽ കഴിഞ്ഞ ഒരുമാസമായി റിയാദിലെ എക്സിറ്റ് 16ൽ നടന്നുവന്ന വിന്റർ ചാന്പ്യൻഷിപ് നോക്ക് ഒൗട്ട് ക്രിക്കറ്റ് ടൂർണമെന്റിന് സമാപനമായി. റിയാദിലെ മികച്ച 32 ടീമുകൾ പങ്കെടുത്ത ടൂർണമെന്റിൽ ന്യൂ ഫെയ്സ് സി സി ജേതാക്കളായി.
എക്സിറ്റ് 16 ലെ ടീം ഈഗിൾസ് ഗ്രൗണ്ടിൽ നടന്ന ഫൈനൽ മത്സരത്തിൽ എംഎഫ്സി ഷിഫ ക്ലബ്ബിനെ തോൽപ്പിച്ചാണ് ന്യൂ ഫെയ്സ് സിസി ജേതാക്കളായത്. ടോസ് നേടി ബാറ്റിംഗ് തെരഞ്ഞെടുത്ത എംഎഫ് സി, 10 ഓവറിൽ 94 റണ്സ് എടുത്തു. മറുപടി ബാറ്റിങ്ങിനിറങ്ങിയ ന്യൂ ഫെയ്സ് 9.1 ഓവറിൽ 5 വിക്കറ്റ് ബാക്കി നിൽക്കെ ലക്ഷ്യം കണ്ടു. 8 റണ്സിന് 3 വിക്കറ്റുകൾ വീഴ്ത്തിയ ന്യൂ ഫെയ്സിന്റെ ആഷിഖ് ആണ് മാൻ ഓഫ് ദി മാച്ച്.
തുടർന്ന് നടന്ന സമാപന ചടങ്ങിൽ എൻ ആർ കെ ഫോറം വൈസ് ചെയർമാൻ ഇസ്മായിൽ എരുമേലി ജേതാക്കൾക്കും റിയാദ് ഇന്ത്യൻ മീഡിയ ഫോറം ജനറൽ സെക്രട്ടറി ഷംനാദ് കരുനാഗപ്പള്ളി രണ്ടാം സ്ഥാനക്കാർക്കും ട്രോഫികൾ വിതരണം ചെയ്തു. ബഷീർ കോട്ടയം സ്പോൻസർ ചെയ്ത ഫെയർ പ്ലേ അവാർഡിന് ടീം കൊങ്കണ് സ്റ്റാർസ് അർഹരായി. ടൂർണമെന്റിലെ മികച്ച ബാറ്റ്സ്മാൻ ആയി എം എഫ് സി യുടെ മുസമ്മിലിനെയും, മികച്ച ബൗളർ ആയി ന്യൂ ഫെയ്സിന്റെ ശിഹാബിനെയും, മാൻ ഓഫ് ദി ടൂർണമെന്റ് ആയി യൂണിവേഴ്സൽ റിയാദ് ഇന്ത്യൻസിന്റെ ഇമ്രാനെയും തെരഞ്ഞെടുത്തു.
ബഷീർ (ജനറൽ സെക്രട്ടറി, കെഡിപിഎ), സുരേഷ് ഫിലിപ്പ് (മാനേജർ, സണ് ടോപ് ഡ്രിങ്ക്സ്), ലൈജു (കെഡിപിഎ), സിദ്ദിഖ് കല്ലുപറന്പൻ, ഉബൈദ് എടവണ്ണ, ഫൈസൽ, അനീഷ് ചാക്കോ എന്നിവർ അതിഥികളായിരുന്നു. ടൂർണമെന്റ് സംഘാടക സമിതി ചെയർമാൻ ഷാബിൻ ജോർജ് അധ്യക്ഷത വഹിച്ച സമാപന ചടങ്ങിൽ ടീം ഈഗിൾസ് ക്യാപ്റ്റൻ അമീർ മൈക്ക സ്വാഗതവും ടീം സെക്രട്ടറി ദിമീഷ് വേലായുധൻ നന്ദിയും പറഞ്ഞു. ടൂർണമെന്റ് സംഘാടക സമിതി ജോയിന്റ് കണ്വീനർ അബ്ദുൽ കരീം, അംഗങ്ങളായ അരുണ് കൊടുങ്ങല്ലൂർ, ഹരിലാൽ, ആസിഫ്, പ്രമീഷ്, ടിജോ, അരുണ് പാലക്കാട്, സുധീഷ്, സജാദ്, അമീർ മംഗലാപുരം, സൈഫുദ്ദീൻ, മൂസ ശരീഫ് തുടങ്ങിയവർ പരിപാടികൾക്ക് നേതൃത്വം നൽകി.
റിപ്പോർട്ട്: ഷക്കീബ് കൊളക്കാടൻ