മസ്കറ്റ്: തലസ്ഥാനമായ മസ്കറ്റിലെ റുവി സെന്റ്സ് പീറ്റർ ആൻഡ് പോൾ പള്ളിയിൽ ഡിസംബർ 31 ഞായറാഴ്ച രാത്രി എട്ടിന് കൃതജ്ഞതാ തിരുമണിക്കൂർ ശുശ്രൂഷയോടെ ആരംഭിക്കും. തുടർന്ന് 9ന് ഇംഗ്ലീഷിലുള്ള വിശുദ്ധ കുർബാന. ജനുവരി ഒന്ന് വിവിധ ഭാഷകളിൽ വിശുദ്ധ കുർബാനകൾ നടക്കും. രാവിലെ 6, 7.30, ഉച്ചകഴിഞ്ഞ് 2.30, 5.30, 7 ഇംഗ്ലീഷിൽ, 12 ന് ടാഗലോഗ്, വൈകിട്ട് 7ന് തമിഴിൽ, 8.30 ന് മലയാളത്തിൽ. തിരുക്കർമ്മങ്ങൾക്ക് ഫാ. റാവുൽ റാമോസ് ഒഎഫ്എം കപ്പൂച്ചിൻ, ഫാ. ബിജോ കുടിലിൽ ഒഎഫ്എം കപ്പൂച്ചിൻ, ഫാ. മരിയൻ മിറാൻഡ, ഫാ. ടോം കണ്ണന്താനം തുടങ്ങിയവർ കാർമ്മികത്വം വഹിക്കും.
മാർ ഗ്രീഗോറിയോസ് ഓർത്തഡോക്സ് പള്ളിയിൽ ഞായറാഴ്ച വൈകിട്ട് 7ന് വിശുദ്ധ കുർബാന, 11ന് തുടങ്ങുന്ന നൈറ്റ് വിജിലോടെ പരിപാടികൾ സമാപിക്കും. ഫാ.ജേക്കബ് മാത്യു, ഫാ. കുറിയാക്കോസ് വർഗീസ്, ഫാ. ജിത്തു തോമസ് തുടങ്ങിയവർ കാർമ്മികരായിരിക്കും. മാർത്തോമ്മാ പള്ളിയിൽ രാത്രി 10.45 നു നടക്കുന്ന വി.കുർബാനക്ക് ജാക്സണ് ജോണ്സണ് കാർമ്മികത്വം വഹിക്കും.
സെന്റ് ജെയിംസ് സിഎസ്ഐപള്ളിയിൽ രാത്രി 9.30 സ്തുതിപ്പും, ആരാധനയും നടക്കും. തുടർന്ന് ഉടന്പടി ശുശ്രൂഷയും, വിശുദ്ധ കുർബാനയും റവ. എം.ഡി. കോശിയുടെ കാർമ്മികത്വത്തിൽ നടക്കും. സെന്റ് മേരീസ് യാക്കോബായ പള്ളിയിൽ 7ന് പ്രാരംഭ പ്രാർത്ഥനകളും തുടർന്ന് എട്ടിന് ദിവ്യ ബലിയും വികാരി ഫാ.ബേസിൽ വർഗീസിന്റെ കാർമ്മികത്വത്തിൽ നടക്കും. ജനുവരി ഒന്ന് 4.30ന് ഫാ. അനീഷ് പി.ജെ കുർബാനയർപ്പിക്കും.
റുവിയിലെ മസ്കറ്റ് പെന്തിക്കോസ്ത്തിൽ അസംബ്ലിയിൽ രാത്രി പതിനൊന്നിന് ആരംഭിക്കുന്ന ശുശ്രൂഷകൾക്ക് പാസ്റ്റർ കെ.എ.ജോണ് നേതൃത്വം വഹിക്കും. സലാലാ സെന്റ് ഫ്രാൻസിസ് സേവ്യർ കത്തോലിക്കാ പള്ളിയിൽ ഞായറാഴ്ച വൈകിട്ട് 9 ന് വിശുദ്ധ കുർബാന, ഒന്നിന് വെളുപ്പിനെ 5.30 ന് മലയാളത്തിൽ, രാവിലെ 9.30നും വൈകിട്ട് 7.30നും ഇംഗ്ലീഷിൽ. ഫാ കാറ്റലിനോ മിറാൻഡ എംഎസ്പി, ഫാ.ആന്റണി പുത്തൻപുരക്കൽ ഒഎഫ്എം കപ്പൂച്ചിൻ എന്നിവർ ദിവ്യബലികളിൽ കാർമ്മികരായിരിക്കും.
ഗാല ഹോളി സ്പിരിറ്റ് കത്തോലിക്കാ പള്ളിയിൽ നടക്കുന്ന ശുശ്രൂഷകൾക്ക് ഫാ.തോമസ് ജോണ് മൂത്താൻറെത്ത്, ഫാ.സെബാസ്റ്റ്യൻ പാക്ക്യം ഒഎഫ്എം, ഫാ.വിൽസണ് റുമാവോ ഒഎഫ്എം തുടങ്ങിയവർ കാർമ്മികരായിരിക്കും. രാത്രി 8ന്് കൃതജ്ഞതാ തിരുമണിക്കൂർ ആരാധനയോടെ ആരംഭിക്കുന്ന ശുശ്രൂഷകൾ ഒന്പതിനുള്ള ആഘോഷമായ വിശുദ്ധ കുർബാനയോടെ സമാപിക്കും. ഒന്നിനു രാവിലെ 7.30, 9, വൈകിട്ട് 5.30, 7.15 ഇംഗ്ലീഷിൽ വി. കുർബാന. അറബിയിൽ ഉച്ചക്ക് 12 മണിക്കും, മലയാളത്തിലും, തമിഴിലും വൈകിട്ട് 8.30ന് യഥാക്രമം പള്ളിയിലും, ബാസ്കറ്റ് ബോൾ കോർട്ടിലുമായി നടക്കും.
സോഹാർ സെന്റ് ആന്റണീസ് പള്ളിയിൽ രാത്രി 8.30 ന് ആരാധന, 9.30 ന് ആഘോഷമായ വിശുദ്ധ കുർബാന, ഒന്നിന് രാവിലെ 6.30 നും വൈകിട്ട് 7.30 നും ഇംഗ്ളീഷിൽ വിശുദ്ധ കുർബാന. വൈകിട്ട് 8.30 ന് മലയാളത്തിൽ വിശുദ്ധ കുർബാന. ഫാ. അഗസ്റ്റിൻ ഫെർണാണ്ടസ് ഒഎഫ്എം, ഫാ.ജോർജ് ജോണ് ഒഎഫ്എം, ഫാ.കുനാഗുണ്ടോ എന്നിവർ കാർമ്മികരായിരിക്കും.
ഗാലയിലെ സെന്റ് മേരീസ് ഓർത്തഡോക്സ് പള്ളിയിൽ വികാരിഫാ.തോമസ് ജോസ് ഒന്നിന് വെളുപ്പിനെ മൂന്നിന് വി. കുർബാനക്കും മറ്റു ശുശ്രൂഷകൾക്കും കാർമ്മികനായിരിക്കും.
സലാലാ സെന്റ് സ്റ്റീഫൻസ് ഓർത്തഡോക്സ് പള്ളിയിൽ രാത്രി 10.30 ന് ശുശ്രൂഷകൾ ആരംഭിക്കും.വിശുദ്ധ കുർബാനക്ക് വികാരി ഫാ.ഫിലിപ് വർഗീസ് കാർമ്മികനായിരിക്കും.
സോഹാർ സെന്റ് ജോർജ് ഓർത്തഡോക്സ് പള്ളിയിൽ 31 രാത്രി 9.15 ന് സന്ധ്യാ പ്രാർത്ഥനയോടെ ആരംഭിക്കും. ഫാ.മാത്യു ചെറിയാൻ കാർമ്മികത്വം വഹിക്കും.
സലാലാ സെന്റ് ജോണ്സ് യാക്കോബായ പള്ളിയിൽ രാത്രി എട്ടിനാരംഭിക്കുന്ന ശുശ്രൂഷകൾക്ക് റെവ.ഫാ.വർഗീസ് താഴത്തേക്കുടി കാർമ്മികത്വം വഹിക്കും.സന്ധ്യാ പ്രാർത്ഥനയോടെ തുടങ്ങുന്ന ശുശ്രൂഷകൾ, യാമ പ്രാർത്ഥന, ധ്യാനം, വിശുദ്ധ കുർബാന. സ്നേഹ വിരുന്നോടെ പരിപാടികൾ സമാപിക്കും.
ഗാലാ മാർത്തോമ്മാ പള്ളിയിൽ റെവ.ടൈറ്റസ് തോമസ്, സോഹാറിൽ റെവ.ബാബു തോമസ്, സലാലയിൽ റെവ.തോമസ് എബ്രഹാം എന്നിവർ ശുശ്രൂഷകൾക്ക് നേതൃത്വം നൽകും.
റിപ്പോർട്ട്: സേവ്യർ കാവാലം