ഷാർജ: പ്രവാസ ലോകത്തെ ഫുട്ബോൾ പ്രേമികൾക്ക് മനം കുളിർക്കുന്ന കാൽപന്തു കളിയുടെ മാമാങ്കം അണിയിച്ചൊരുക്കി മങ്കട മണ്ഡലം കെഎംസിസി സംഘടിപ്പിച്ച ഒന്നാമത് അംജദ് അലി മെമ്മോറിയൽ ഫുട്ബോൾ ടൂർണമെന്‍റിൽ തീമ ഗോൾഡ് ആൻഡ് ഡയമണ്ട് ജേതാക്കളായി.
യുഎഇ പ്രമുഖ ഇരുപത്തിനാല് ടീമുകൾ വാണ്ടറേഴ്സ് സ്റ്റേഡിയത്തിൽ പോരിനിരങ്ങിയപ്പോൾ വെള്ളിയാഴ്ചയുടെ സായാഹനം സോക്കർ പ്രേമികൾക്ക് മുന്നിൽ സുന്ദർ മുഹൂർത്തങ്ങളാണ് പിറന്നു വീണത്. ഇരുപത്തിനാല് ടീമുകൾ തമ്മിലുള്ള ലീഗ് റൗണ്ട് മത്സരങ്ങൾക്ക് ശേഷം നടന്ന ആവേശകരമായ നോക്കൗട്ട് മത്സരത്തിൽ വന്പന്മാരെ മലർത്തിയടിച്ചു കെഎംസിസി തിരൂരങ്ങാടിയും ഗൾഫ് ഹൈപ്പർ മാർക്കറ്റ് റാസൽഖൈമയും കലാശപോരാട്ടത്തിൽ മാറ്റുരച്ചപ്പോൾ കരുത്തരായ കെഎംസിസി തിരൂരങ്ങാടിയെ മറികടന്ന് ഗൾഫ് ഹൈപ്പർ മാർക്കറ്റ് റാസൽഖൈമയും ടൂർണമെന്‍റിലെ കറുത്ത കുതിരകളായ എഫ്സി മഞ്ഞപടയെ ടൈംബ്രേക്കറിൽ തകർത്ത് തീമ ഗോൾഡ് ആൻഡ് ഡയമണ്ടും കലാശപോരാട്ടത്തിന് എത്തിയത്.
ചടുല നീക്കങ്ങളും ബുള്ളറ്റ് ഷോട്ടുകളുമായി ഇരു ടീമുകളും കലാശപോരാട്ടത്തിൽ കള നിറഞ്ഞ് കളിച്ചത് ഫുട്ബാൾ പ്രേമികളെ ആവേശത്തിലാക്കി. അവസാന വിസിൽ മുഴങ്ങാൻ നിമിഷങ്ങൾ ബാക്കി നിൽക്കെ തീമ ടീം താരം തൊടുത്ത ലോംഗ് റേഞ്ച് ഷോട്ട് ഗൾഫ് ഹൈപ്പർ മാർക്കറ്റ് റാസൽഖൈമയുടെ വല കുലുക്കിയപ്പോൾ ഒന്നാമതു അംജദ് അലി മെമ്മോറിയൽ ഫുട്ബോൾ ടൂർണമെൻറ് പ്രഥമ കിരീടത്തിൽ തീമ ഗോൾഡ് ആൻഡ് ഡയമണ്ട് മുത്തമിട്ടു. ടൂർണമെന്‍റ് ജേതാക്കൾക്കുള്ള ട്രോഫി ഐവറി കന്പ്യൂട്ടർ എംഡി വിനോദും കാഷ് അവാർഡ് അബയ് വിനോദും നൽകി. റണ്ണേഴ്സ് അപ്പിനുള്ള ട്രോഫിയും കാഷ് അവാർഡും സീകെൻ മൊബൈൽഫോണ് പ്രതിനിധി വിനോദ് കൈമാറി.
ടൂർണമെന്‍റിലെ ഫാസ്റ്റ് റണ്ണർഅപ്പായി എഫ്സി മഞ്ഞപ്പടയും സെക്കന്‍റ് റണ്ണർ അപ്പായി കെഎംസിസി തിരൂരങ്ങാടിയുമാണ്. ടൂർണമെന്‍റിലെ ഏറ്റവും നല്ല കളിക്കാരനായി ഗൾഫ് ഹൈപ്പർ മാർക്കറ്റ് റാസൽഖൈമയുടെ ബെൻസീറും, ബെസ്റ്റ് ഡിഫൻഡറായി തീമ ഗോൾഡ് ആൻഡ് ഡയമണ്ടിന്‍റെ ഷംനാനെയും ബെസ്റ്റ് ഗോൾകീപ്പറായി എഫ്സി മഞ്ഞപ്പടയുടെ സിനാദും അർഹരായി. ഫെയർ പ്ലേ അവാർഡ് കഐംസിസി തിരൂരങ്ങാടി കരസ്ഥമാക്കി. ദുബായ് കെഎംസിസിസെക്രട്ടറി അഡ്വ സാജിദ് അബൂബക്കർ, ദുബായ് കെഎംസിസി മലപ്പുറം ജില്ല ട്രഷർ മുസ്തഫ വേങ്ങര, സെക്രട്ടറി നിഹ്മതുള്ള മങ്കട, കരീം കാലടി, മണ്ഡലം പ്രസിഡൻറ് അബ്ദുൽ മുനീർ തയ്യിൽ, ജന: സെക്രട്ടറി സബാഹ് കടന്നമണ്ണ, ട്രഷർ ഷൌക്കത്ത് വെങ്കിട്ട, അസീസ് പങ്ങാട്ട്, ഷഫീഖ് വേങ്ങാട് എന്നിവർ വിവിധ ട്രോഫികൾ നൽകി. സലിം വെങ്കിട്ട, അബ്ദുൽ നാസർ കൂടിലങ്ങാടി, ജൈസൽ ബാബു മണിയറയിൽ, റാഫി വേങ്ങാട്, റാഫി കൊളത്തൂർ, സകീർ അരിപ്ര, ഹാഷിം പള്ളിപ്പുറം, അഷ്റഫ്, ബെൻഷാദ് വെങ്കിട്ട, ബാസിത്ത്, സദർ പടിഞ്ഞാറ്റുമുറി, അൻജൂം, സഫീർ, ഫിറോസ്, അബ്ദു, റസാക്ക്, അബ്ദുറഹിമാൻ, ശുഹൈബ്, സലാഹുദീൻ എന്നിവർ നേതൃത്വം നൽകി.
റിപ്പോർട്ട്: നിഹ്മത്തുള്ള തയ്യിൽ