റിയാദ്: കേളി കലാ സാംസ്കാരിക വേദി പതിനേഴാം വാർഷികം ആഘോഷിച്ചു. അൽഒവൈദ ഫാം ഓഡിറ്റോറിയത്തിൽ നടന്ന ആഘോഷ പരിപാടികളുടെ ഭാഗമായി കേളി ജോ: സെക്രട്ടറി ഷമീർ കുന്നുമ്മൽ അധ്യക്ഷനെ ക്ഷണിച്ചുകൊണ്ടാരംഭിച്ച സാംസ്കാരിക സമ്മേളനത്തിൽ കേളി പ്രസിഡന്‍റ് ദയാനന്ദൻ ഹരിപ്പാട് അധ്യക്ഷനായിരുന്നു. ദമ്മാം നവോദയ ജനറൽ സെക്രട്ടറിയും മാധ്യമ പ്രവർത്തകനുമായ എംഎം നഈം സമ്മേളനം ഉദ്ഘാടനം ചെയ്തു.
റിയാദ് ഇന്ത്യൻ എംബസി കമ്മ്യൂണിറ്റി വിഭാഗം കൗണ്‍സലർ അനിൽ നൗട്യാൽ ചടങ്ങിൽ മുഖ്യാതിഥിയായിരുന്നു. കേളി ദിനം 2018ന്‍റെ മുഖ്യ പ്രായോജകരായ ഫ്യൂച്ചർ എഡ്യൂക്കേഷൻ മാർക്കറ്റിംഗ് മാനേജർ നിയാസ്, സഹപ്രായോജകരായ മുഹന്നദ് ബുക്ക് സ്റ്റോർ സെയിൽസ് ഡയറക്ടർ അബ്ദുള്ള അൽമഹ്മൂദ്, കോബ്ലാൻ തെർമോപൈപ്പ്സ് പ്രതിനിധി സിദ്ദിക്ക് കോബ്ലാൻ, സോണ ജുവല്ലറി മാനേജിംഗ് ഡയറക്ടർ വിവേക്, അറബ്കോ ലോജിസ്റ്റിക്സ് മാനേജിംഗ് ഡയറക്ടർ രാമചന്ദ്രൻ, ഇൻഡോമി ബ്രാഞ്ച് മാനേജർ അഫ്സൽ, അററ്ലസ് ജുവല്ലറി മാനേജർ മൊയ്തു, ജരീർ മെഡിക്കൽ ഗ്രൂപ്പ് പ്രതിനിധി ഫാഹിദ് ഹസ്സൻ, മഹാത്മ ഇന്‍റർനാഷണൽ സ്കൂൾ മാനേജർ ജബ്ബാർ, എൻആർകെ ചെയർമാൻ അഷറഫ് വടക്കേവിള, കഐംസിസി നേതാവ് മുജീബ് ഉപ്പട, സാമൂഹ്യ പ്രവർത്തകനും പ്രവാസി ഭാരതീയ പുരസ്കാര ജേതാവുമായ ഷിഹാബ് കൊട്ടുകാട്, റിയാദ് ഇന്ത്യൻ മീഡിയ ഫോറം പ്രതിനിധി ഉബൈദ് എടവണ്ണ, സാംസ്കാരിക പ്രവർത്തകൻ ജയചന്ദ്രൻ നെരുവന്പ്രം, കേളി കുടുംബവേദി സെക്രട്ടറി മാജിദ ഷാജഹാൻ, പ്രസിഡന്‍റ് സീബ അനിരുദ്ധൻ, കേളി മുഖ്യ രക്ഷാധികാരി കെആർ ഉണ്ണികൃഷ്ണൻ, രക്ഷാധികാരിസമിതി അംഗങ്ങളായ ദസ്തക്കീർ, മുഹമ്മദ്കുഞ്ഞു വള്ളികുന്നം, റഷീദ് മേലേതിൽ എന്നിവർ സംസാരിച്ചു. കേളി സെക്രട്ടറി ഷൗക്കത്ത് നിലന്പുർ സ്വാഗതവും, സംഘാടക സമിതി കണ്‍വീനർ സതീഷ്കുമാർ നന്ദിയും പറഞ്ഞു.
സൗദിയിലെ നിതാഖത് പൊതുമാപ്പ് കാലയളവിൽ ഇന്ത്യൻ എംബസിയിലും പൊതുസമൂഹത്തിനിടയിലും പ്രവാസികൾക്കായി സഹായമെത്തിക്കാൻ നിസ്വാർത്ഥമായ പ്രവർത്തനം കാഴ്ച്ചവച്ച കേളി ജീവകാരുണ്യ പ്രവർത്തകരും കുടുംബവേദി പ്രവർത്തകരുമായ മാജിദ ഷാജഹാൻ, സീബ അനി, ശ്രീഷ സുകേഷ്, ബാബുരാജ് കാപ്പിൽ, കിഷോർ-ഇ- നിസാം, ദിലീപ്കുമാർ, ഷമീർ കുന്നുമ്മൽ എന്നിവരെ ചടങ്ങിൽ മെമെന്േ‍റാ നൽകി ആദരിച്ചു. ഇന്‍റർ കേളി ഫുട്ബോൾ ടൂർണമെന്‍റിലെ വിജയികളായ അൽഖർജ് ഏരിയക്കുള്ള ഫാൽക്കണ്‍ അൽഖർജ് വിന്നേർസ് ട്രോഫിയും മലാസ് ഏരിയക്കുള്ള അൽഅർക്കാൻ റണ്ണേഴ്സ് അപ്പ് ട്രോഫിയും ചടങ്ങിൽ സമ്മാനിച്ചു.
റിപ്പോർട്ട്: ഷക്കീബ് കൊളക്കാടൻ