ദമാം: കിഴക്കൻ പ്രവിശ്യലെ സാമൂഹ്യ സാംസ്കാരിക മേഖലകളിലെ സജീവ സാന്നിധ്യമായ വടകര എൻആർഐ ഫോറത്തിന്റെ ഈ വർഷത്തെ വിഷു ആഘോഷം പ്രവിശ്യയിലെ രാഷ്ട്രീയ സാമൂഹിക സാംസ്കാരിക വിദ്യാഭ്യാസ വ്യവസായ മേഖലകളിലെ പ്രമുഖരുടെ സാന്നിദ്ധ്യംകൊണ്ട് ശ്രദ്ധേയമായി.
ചിട്ടയായ പ്രവർത്തനത്തിലൂടെ പത്തു വർഷം പിന്നിടുന്ന സംഘടന വിഭവസമൃദ്ധമായ വിഷുസദ്ധ്യയോടേയാണു പത്താം വാർഷികാഘോഷങ്ങൾക്ക് തുടക്കം കുറിച്ചത്. മുന്നൂറോളം പേർ പങ്കെടുത്ത ആഘോഷപരിപാടി ജിദ്ദ കിംഗ് അബ്ദുൾ അസീസ് യൂണിവേഴ്സിറ്റി അസിസ്റ്റന്റ് പ്രഫസർ ഡോ: ഇസ്മയിൽ മരിതേരി ഉദ്ഘാടനം ചെയ്തു. പത്താം വാർഷികാഘോഷത്തിന്റെ ഭാഗമായി ഇറക്കിയ പുതിയ ലോഗൊ പ്രകാശനം ടി.പി.എം ഫസൽ നിർവഹിച്ചു. ആധുനിക സംവിധാനത്തോടെ പുറത്തിറക്കുന്ന ഡിജിറ്റൽ മെംബഷിപ്പ് കാർഡ് വിതരണോദ്ഘാടനം മുഖ്യ രക്ഷാധികാരി ജമാൽ വില്യാപ്പള്ളി ഫോറം മെംബർ നജീബ് പുല്ലുപറന്പിലിന് നൽകി നിർവഹിച്ചു. സാജിദ് ആറാട്ടുപുഴ വിഷു സന്ദേശം നൽകി. അബ്ദുള്ള മഞ്ചേരി, മാലിക് മക്ബൂൽ, ഇ.എം. കബീർ, ഷാജി മതിലകം, ഷാജി വയനാട്, പി.എം. നജീബ്,അഷ് റഫ് ആളത്ത്, പി.ടി. അലവി, റഷീദ് ഉമ്മർ, താജു അലിയാർ, നജീബ് എരഞ്ഞിക്കൽ, ബൈജു കുട്ടനാട്, രാജു നായിഡു, ജയരാജ് കൊയിലാണ്ടിക്കൂട്ടം, ഡോ:ഇസ്മയിൽ, ഡോ:ഹാഷിഖ് തുടങ്ങിയവർ സംബന്ധിച്ചു.
റഹ്മാൻ കാരയാടിന്റെ അധ്യക്ഷതയിൽ ചേർന്ന സാംസ്കാരിക സമ്മേളത്തിന്നു ബിനീഷ് ഭാസ്ക്കർ സ്വാഗതവും അഷ് റഫ് നന്ദിയും പറഞ്ഞു.തുടർന്നു നടന്ന കലാപരിപാടികൾക്ക് ജിഗീഷ് നംബ്യാർ, ഷിമ്മൽ മോഹൻ, കാവ്യാ ഷിമ്മൽ, രമ്യ ബിനീഷ് നേതൃത്തം നൽകി. ഫോറം മെംബർ അരവിന്ദ് (സെവൻ ബീറ്റ്സ് ഓർക്കസ്ട്ര) നടത്തിയ ലൈവ് ഗാനമേള വേറിട്ട അനുഭവമായി. വനിതാ വിഭാഗം ഒരുക്കിയ സധ്യക്ക് രാമചന്ദ്രൻ കാർത്തികപ്പള്ളി, അഷ് റഫ് വടകര, ജോസ്ന രഞ്ചിത്ത്, ഷംസീറ മഷൂദ് എന്നിവർ നേതൃത്വം നൽകി. രാംജിത്, മമ്മു വടകര, സകീർ, വാസുദേവൻ, മഷൂദ്, കെ.പി. സുധീർ, ഫൈസൽ കുറ്റ്യാടി,രതീഷ് ചെമ്മരത്തൂർ, സിദ്ധാർഥ്, യൂനുസ്, ജോഷിൽ, നിഷാദ് കുറ്റ്യാടി, നിസാർ,ബിജു, രമേശ് പി.കെ. കാരയാട്, സി.കെ. പ്രേമൻ എന്നിവർ നേതൃത്വം നൽകി.
റിപ്പോർട്ട്: അനിൽ കുറിച്ചിമുട്ടം