അമേരിക്കന്‍ ടൂറിസ്റ് വീസകള്‍ കിട്ടാന്‍ കാലതാമസം
Monday, July 28, 2014 7:14 AM IST
ഫ്രാങ്ക്ഫര്‍ട്ട്: യൂറോപ്പില്‍ സമ്മര്‍ അവധിക്കാലം തുടങ്ങിയ അവസരത്തില്‍ അമേരിക്കയിലേക്കുള്ള ടൂറിസ്റ് വീസകള്‍ക്ക് ടെക്നിക്കല്‍ തകരാറുകള്‍ മൂലം കാലതാമസം വരുമെന്ന് അമേരിക്കന്‍ എംബസി കോണ്‍സുലര്‍ വിഭാഗം അറിയിച്ചു.

ഈ ടെക്നിക്കല്‍ തകരാര്‍ ജര്‍മനിയില്‍ മാത്രമല്ല ലോകമെമ്പാടും ഉണ്ടായി. അതുകൊണ്ട് മറ്റ് രാജ്യങ്ങളില്‍ നിന്നും ടൂറിസ്റ് വീസകള്‍ നല്‍കാന്‍ കാലതാമസം ഉണ്ടായിരിക്കുന്നു. ഈ സമ്മര്‍ അവധിക്കാലം അമേരിക്കയില്‍ ചെലവഴിക്കാന്‍ ആഗ്രഹിക്കുന്നവരും ഇതേവരെ ടൂറിസ്റ് വീസാ എടുക്കാത്തവര്‍ക്കും ഇത് പ്രശ്നമാകും. മറ്റ് കാറ്റഗറിയില്‍ പെട്ട വീസകള്‍ക്കും ഈ ടെക്നിക്കല്‍ തകരാര്‍ കൊണ്ട് കാലതാമസം ഉണ്ടാകും.

അമേരിക്കയിലേക്ക് വീസ ആവശ്യമുള്ളവര്‍ വീസ ലഭിക്കാതെ ഒരു കാരണവശാലും ഫ്ളൈറ്റ് ടിക്കറ്റുകള്‍ എടുക്കരുതെന്ന് അമേരിക്കന്‍ എംബസി കോണ്‍സുലര്‍ വിഭാഗം അറിയിച്ചു.

കൂടുതല്‍ വിവരങ്ങള്‍ ഒരോ രാജ്യങ്ങളിലുമുള്ള അമേരിക്കന്‍ എംബസി കോണ്‍സുലര്‍ വിഭാഗങ്ങളില്‍ നിന്നും അറിയാം. ജര്‍മനിയില്‍ പൌരത്വമില്ലാത്ത പ്രവാസികളും അമേരിക്കന്‍ വീസ വിഷയത്തില്‍ കൂടുതല്‍ ശ്രദ്ധിക്കുക.

റിപ്പോര്‍ട്ട്: ജോര്‍ജ് ജോണ്‍
Copyright @ 2022 , Rashtra Deepika Ltd.