സാന്‍ഹോസെയില്‍ കന്യാകാമറിയത്തിന്റെ ഗ്രോട്ടോയുടെ വെഞ്ചരിപ്പ് നടത്തി
Tuesday, October 21, 2014 7:50 AM IST
സാന്‍ഹോസെ (കാലിഫോര്‍ണിയ): സാന്‍ഹോസെ സെന്റ് മേരീസ് ദേവാലയങ്കണത്തില്‍ പരിശുദ്ധ കന്യാകാമറിയത്തിന്റെ ഗ്രോട്ടോയുടെ വെഞ്ചരിപ്പ് കര്‍മ്മം ഫാ. പത്രോസ് ചമ്പക്കരയുടെയും ഫാ. ഏബ്രഹാം കറുകപറമ്പിലിന്റെയും സാന്നിധ്യത്തില്‍ ഫാ. ജോസ് ഇല്ലിക്കുന്നുംപുറത്ത് നിര്‍വഹിച്ചു.

ശനിയാഴ്ച വൈകുന്നേരം നാലിന് വിശുദ്ധ കുര്‍ബാനയെതുടര്‍ന്ന് ജപമാല പ്രതിക്ഷണത്തോടെ ദേവാലയങ്കണത്തില്‍ പരിശുദ്ധ കന്യാകാമറിയത്തിന്റെ രൂപം പ്രതിഷ്ഠിക്കുകയും തുടര്‍ന്ന് വെഞ്ചരിപ്പ് കര്‍മ്മം നടത്തുകയും ചെയ്തു.

ഗ്രോട്ടോയുടെ പണി ഭംഗിയായി പൂര്‍ത്തിയാക്കിയ സിനോയി ജോസഫിന് ഫാ. ജോസ് ഇല്ലിക്കുന്നുംപുറത്ത് ഷീല്‍ഡ് നല്‍കി ആദരിച്ചു. ബോബന്‍ തേക്കുംകാട്ടിലിന്റെ മകന്‍ ഉണ്ണിയുടെ ഓര്‍മയ്ക്കായിട്ടാണ് ഗ്രോട്ടോ പണികഴിപ്പിച്ചിട്ടുള്ളത്.

റിപ്പോര്‍ട്ട്: വിവിന്‍ ഓണശേരില്‍
Copyright @ 2022 , Rashtra Deepika Ltd.