വടശേരിക്കര സംഗമം യുഎസ്എ ബാസ്കറ്റ് ബോള്‍ ടൂര്‍ണമെന്റും സ്കോളര്‍ഷിപ്പ് വിതരണവും നടത്തി
Saturday, November 29, 2014 10:26 AM IST
വടശേരിക്കര: വടശേരിക്കര സംഗമം യുഎസ്എ സ്പോണ്‍സര്‍ ചെയ്ത അഞ്ചാമത് ഇന്റര്‍സ്കൂള്‍ ബാസ്കറ്റ് ബോള്‍ ടൂര്‍ണമെന്റും സ്കോളര്‍ഷിപ്പ് വിതരണവും വടശേരിക്കര ടിടിടിഎംവിഎച്ച്എസില്‍ നവംബര്‍ 11,12 തീയതികളില്‍ നടത്തപ്പെട്ടു. വടശേരിക്കര സംഗമം യുഎസ്എ പ്രസിഡന്റ് ഐപ്പ് ഫിലിപ്പ് സംഗമം ഉദ്ഘാടനം ചെയ്തു. ആണ്‍കുട്ടികളുടെ വിഭാഗത്തില്‍ കുറിയന്നൂര്‍ എംടിഎച്ച്എസും പെണ്‍കുട്ടികളുടെ വിഭാഗത്തില്‍ ഇടയാറന്മുള എഎംഎംഎച്ച്എസും ജേതാക്കളായി. ആതിഥേയരായ ടിടിടിഎംവിഎച്ച്എസ് ആണ്‍കുട്ടികളുടേയും പെണ്‍കുട്ടികളുടേയും വിഭാഗത്തില്‍ റണ്ണേഴ്സ് അപ്പായി.

വിജയികള്‍ക്കുള്ള സമ്മാനദാനവും സ്കോളര്‍ഷിപ്പ് വിതരണവും രാജു ഏബ്രഹാം എംഎല്‍എ ഉദ്ഘാടനം ചെയ്തു. സംഗമം പ്രസിഡന്റ് ഐപ്പ് ഫിലിപ്പ് ആറ് സ്കൂള്‍ കുട്ടികള്‍ക്ക് സ്കോളര്‍ഷിപ്പ് വിതരണം ചെയ്തു. തോമസ് കോശി, ലിനു തോമസ്, ബെന്നി പുത്തന്‍പറമ്പില്‍, ഐപ്പ് ഫിലിപ്പ്, കേരള ബാസ്കറ്റ് ബോള്‍ അസോസിയേഷന്‍ വൈസ് പ്രസിഡന്റ് ടി.സി. കോശി, സ്വപ്ന സൂസന്‍ തുടങ്ങിയവര്‍ യോഗത്തില്‍ പ്രസംഗിച്ചു. ബീന എം. ജോര്‍ജ് സ്വാഗതവും ചെറിയാന്‍ ജോസഫ് കൃതജ്ഞതയും പറഞ്ഞു.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.