ജനപ്രിയ ഭാഷകളില്‍ ജര്‍മന്‍ ഭാഷയ്ക്ക് നാലാം സ്ഥാനം
Friday, April 17, 2015 7:51 AM IST
ബര്‍ലിന്‍: ലോകത്ത് ഏറ്റവും കൂടുതല്‍ പ്രചാരമുള്ള ഭാഷകളില്‍ ജര്‍മന്‍ ഭാഷയ്ക്ക് നാലാം സ്ഥാനം. പുതുതായി ഭാഷകള്‍ പഠിക്കാന്‍ ആഗ്രഹിക്കുന്നവരില്‍ വലിയൊരു വിഭാഗം ജര്‍മന്‍ ഭാഷയില്‍ ആകൃഷ്ടരാകുന്നു വെന്നാണ് ഡോ. ഉള്‍റിച്ച് ആമണ്‍ നടത്തിയ പഠനത്തില്‍ വ്യക്തമായത്.

15 വര്‍ഷത്തെ ഗവേഷണത്തിനൊടുവില്‍ 1300 പേജ് വരുന്ന പുസ്തകവും അദ്ദേഹം തയാറാക്കിയിട്ടുണ്ട്.

ജര്‍മന്‍ ഭാഷാ സ്ഥിരമായി ഉപയോഗിച്ചു വരുന്നത് 104 മില്യന്‍ ആളുകളാണ്. ഈ എണ്ണം മാത്രം കണക്കിലെടുത്താല്‍ ജര്‍മന്‍ ഭാഷയ്ക്ക് പത്താം സ്ഥാനം മാത്രമേയുള്ളൂ. എന്നാല്‍, സ്വന്തം ഭാഷയല്ലാതെയും ജര്‍മന്‍ ഭാഷ പഠിച്ച് ഉപയോഗിച്ചുവരുന്നവര്‍ കൂടിയാകുമ്പോള്‍ സ്ഥാനം നാലാം സ്ഥാനത്തെത്തുന്നു.

ഏറ്റവും മുന്നില്‍ ഇംഗ്ളീഷ് ഭാഷ തന്നെ. ഫ്രഞ്ച്, ചൈനീസ് ഭാഷയായ മാന്‍ഡരിന്‍ എന്നിവയാണ് ജര്‍മന്‍ ഭാഷയ്ക്കു മുന്നിലുള്ള മറ്റു ഭാഷകള്‍.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.