മുപ്പത്തിരണ്ടാമത് ഡാന്യൂബ് ഫെസ്റ് സമാപിച്ചു
Saturday, July 4, 2015 8:43 AM IST
വിയന്ന: മുപ്പത്തിരണ്ടാമത് ഡാന്യൂബ് ഫെസ്റില്‍ സന്ദര്‍ശകരുടെ എണ്ണത്തില്‍ സര്‍വകാല റിക്കാര്‍ഡ്. ഈ വര്‍ഷത്തെ ഡാന്യൂബ് ഫെസ്റിനു 33 ലക്ഷം പേരാണ് വിയന്നയിലെ ഡാന്യൂബ് നദിക്കരയുടെ ഓരത്ത് ഒഴുകിയെത്തിയത്. 2013 ലായിരുന്നു ഇതിനു മുമ്പ് ഏറ്റവും അധികം ആളുകള്‍ പങ്കെടുത്തത്. ഏകദേശം 32 ലക്ഷം പേര്‍.

നാലര കിലോമീറ്റര്‍ നീണ്ടുകിടക്കുന്ന വിയന്നയിലെ ഡാന്യൂബ് നദിക്കരയില്‍ ഉത്സവ ദിനങ്ങളില്‍ ലോകത്തിന്റെ വിവിധ രാജ്യങ്ങളില്‍ നിന്നായി എത്തുന്ന അതിഥികളെക്കൊണ്ട് ജനനിബിഡമായിത്തീര്‍ന്നു. ശനി വൈകുന്നേരം ചെറുതായി മഴപെയ്തതൊഴിച്ചാല്‍ കാലാവസ്ഥയും വളരെ അനുകൂലമായിരുന്നു. മൂന്നു ദിവസം നീണ്ട ഡാന്യൂബ് ഫെസ്റിന് വിവിധ സൂപ്പര്‍ താരങ്ങളുടെ സംഗീത വിരുന്നും കായിക വിനോദങ്ങളും കൊണ്ട് കാണികള്‍ക്ക് ഹരം പകര്‍ന്നു.

ഞായറാഴ്ച മാത്രം ഒരു ലക്ഷം പേര്‍ ഡാന്യൂബ് നദിക്കരയില്‍ എത്തി. യൂറോപ്പിലെ ഏറ്റവും വലിയ ഓപ്പണ്‍ എയര്‍ ഫെസ്റിവലായ ഡാന്യൂബ് ഫെസ്റ് വെള്ളിയാഴ്ച സംസ്ഥാന മുഖ്യ ഭരണാധികാരി മിഖായേല്‍ ഹോയ്പലാണ് ഉദ്ഘാടനം ചെയ്തത്. പിന്നീട് കടന്നു പോയ മൂന്നു ദിവസങ്ങള്‍ വിയന്ന നിവാസികള്‍ക്ക് ഉത്സവ ദിനങ്ങള്‍ ആയിരുന്നു. 4.5 മീറ്റര്‍ നീളുന്ന ഡാന്യൂബ് നദിക്കരയില്‍ 11 വേദികളിലായാണ് പരിപാടികള്‍ നടന്നത്. ലോകത്തിന്റെ വിവിധ ഭാഗങ്ങളില്‍ നിന്നുള്ള വ്യത്യസ്ത വിഭവങ്ങള്‍ മൂന്നുറിലധികം സ്റാളുകളിലൂടെ ജനങ്ങള്‍ക്ക് ലഭ്യമായി.

റിപ്പോര്‍ട്ട്: ഷിജി ചീരംവേലില്‍
Copyright @ 2022 , Rashtra Deepika Ltd.