പിയു പരീക്ഷ ഇനി സര്‍ക്കാര്‍ കോളജുകളില്‍ മാത്രം
Friday, April 15, 2016 5:34 AM IST
ബംഗളൂരു: അടുത്ത വര്‍ഷം മുതല്‍ സര്‍ക്കാര്‍ കോളജുകളില്‍ മാത്രം പരീക്ഷാകേന്ദ്രം അനുവദിച്ചാല്‍ മതിയെന്ന തീരുമാനത്തില്‍ പ്രീയൂണിവേഴ്സിറ്റി അധികൃതര്‍. തുടര്‍ച്ചയായ ചോദ്യപേപ്പര്‍ ചോര്‍ച്ചയെ തുടര്‍ന്നാണ് ഈ തീരുമാനം. ഇതനുസരിച്ച് സ്വകാര്യ കോളജുകളില്‍ ഇനിമുതല്‍ പരീക്ഷാകേന്ദ്രം ഉണ്ടാകില്ല. ഇവിടങ്ങളിലെ വിദ്യാര്‍ഥികള്‍ക്ക് സര്‍ക്കാര്‍ കോളജുകളില്‍ പരീക്ഷയെഴുതാന്‍ സൌകര്യമൊരുക്കും.

സര്‍ക്കാര്‍, സ്വകാര്യ കോളജുകളടക്കം നിലവില്‍ സംസ്ഥാനത്ത് 1,032 പിയു പരീക്ഷാകേന്ദ്രങ്ങളാണുള്ളത്. നിരവധി കോളജുകള്‍ക്ക് ഈവര്‍ഷം പരീക്ഷയെഴുതാന്‍ അനുമതി നല്കിയിരുന്നു. ഇനി ഇതു തുടരേണ്ടതില്ലെന്നാണ് തീരുമാനം.
Copyright @ 2022 , Rashtra Deepika Ltd.