ക്രിസ്റ്റ്യാനോ റൊണാൾഡോയ്ക്ക് ചെറിയൊരു സമ്മാനം, ബ്യുഗാട്ടി സ്പോർട്സ് കാർ
Saturday, July 16, 2016 8:11 AM IST
ലിസ്ബൺ: യൂറോ കപ്പു നേടിയ പോർച്ചുഗീസ് ഫുട്ബോൾ ടീമിന്റെ നായകൻ ക്രിസ്റ്റ്യാനോ റൊണാൾഡോയ്ക്ക് ഇരുപതു മില്യൻ യൂറോ വില വരുന്ന സ്പോർട്സ് കാർ സമ്മാനം.

കാർ സ്വന്തമായ വിവരം റൊണാൾഡോ തന്നെയാണ് ആരാധകരെ ഇൻസ്റ്റഗ്രാമിലൂടെ അറിയിച്ചതെങ്കിലും ആരാണു സമ്മാനിച്ചതെന്നു വ്യക്‌തമാക്കിയിട്ടില്ല. ബ്യൂഗാട്ടി വെയ്റോൺ 16.4 ഗ്രാൻഡ് സ്പോർട്ട് ആണ് മോഡൽ.

ആയിരം എച്ച്പിയാണ് കാറിന്റെ കരുത്ത്. അതായത്, മണിക്കൂറിൽ നാനൂറു കിലോമീറ്റർ വരെ വേഗമാർജിക്കാൻ ശേഷി. കാറിന്റെ വേഗതയാവട്ടെ നൂറു കിലോമീറ്ററിലെത്താൻ വെറും 2.5 സെക്കൻഡ് മതിയാവും.

ആകെ 450 എണ്ണം മാത്രമേ ഇത്തരം കാർ മോഡൽ പുറത്തിറക്കിയിട്ടുള്ളൂ. ബോക്സിംഗ് ചാമ്പ്യൻ ഫ്ളോയ്ഡ് മെത്വർ, ഫുട്ബോൾ ഇതിഹാസം റോബർട്ടോ കാർലോസ്, ഫ്രഞ്ച് ഫുട്ബോളർ കരിം ബെൻസേമ എന്നിവരാണ് ഇതിനു മുൻപ് ഇതു സ്വന്തമാക്കിയ പ്രമുഖർ.

നിരവധി ആഡംബര കാറുകളുടെ ഉടമയും കാർ പ്രേമിയുമായ റൊണാൾഡോയുടെ കളക്ക്ഷനിൽ ലംബോർഗിനി അവന്റെഡോർ റോൾസ് റോയ്സ്, പോർഷെ 91 ടർബോ, ഗ്രാൻകാബ്രിയോ, മസെറാറ്റി തുടങ്ങിയ സൂപ്പർ കാറുകളും നിരയായി വിശ്രമിക്കുന്നുണ്ട്.

<ആ>റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.