രാജ്യം വിട്ടു പോകാൻ കഴിയാത്ത വിദേശകാര്യ സെക്രട്ടറി
Monday, July 18, 2016 8:23 AM IST
ലണ്ടൻ: ബോറിസ് ജോൺസണെ വിദേശകാര്യ സെക്രട്ടറിയായി നിയമിച്ചത് ബ്രിട്ടീഷ് സർക്കാരിൽത്തന്നെ പലർക്കും പിടിച്ചിട്ടില്ല. അദ്ദേഹത്തെ പരിഹസിക്കാൻ എന്തെങ്കിലും കാരണം നോക്കിയിരിക്കുന്നവരുടെ മുന്നിലേക്കാണു ബോറിസിന്റെ വിമാനം തകരാറിലായ വാർത്ത വരുന്നത്.

ബോറിസിനെയും വഹിച്ച് ബ്രസൽസിലേക്കു പോകാൻ പുറപ്പെട്ട വിമാനം യന്ത്രത്തകരാറു കാരണം ല്യൂട്ടൻ വിമാനത്താവളത്തിൽ അടിയന്തരമായി തിരിച്ചറിക്കുകയായിരുന്നു.

ഇതോടെ സോഷ്യൽ മീഡിയയിൽ ട്രോൾ പ്രവാഹമായി. രാജ്യം വിട്ടു പോകാൻ പോലും സാധിക്കാത്തയാളാണ് വിദേശകാര്യ സെക്രട്ടറിയായിരിക്കുന്നത് എന്ന മട്ടിലായിരുന്നു പരിഹാസം ഏറെയും.

മറ്റൊരു വിമാനത്തിൽ ബോറിസ് പിന്നീട് ബ്രസൽസിലേക്കു പോയി. വിദേശകാര്യ സെക്രട്ടറി എന്ന നിലയിൽ അദ്ദേഹത്തിന്റെ ആദ്യ വിദേശ സന്ദർശനമാണിത്.

<ആ>റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.