സംസ്കൃതി വാർഷിക പൊതുയോഗം നടത്തി
Saturday, July 30, 2016 8:29 AM IST
ദോഹ: സംസ്കൃതിയുടെ നടപ്പുവർഷത്തെ വാർഷിക പൊതുയോഗം ഐസിസി അശോക ഹാളിൽ ചേർന്നു. സംസ്കൃതി മുൻ പ്രസിഡന്റും കേന്ദ്ര എക്സിക്യുട്ടീവ് അംഗവുമായ പ്രമോദ് ചന്ദ്രൻ ഉദ്ഘാടനം ചെയ്തു. സംസ്കൃതി പ്രസിഡന്റ് എ.കെ. ജലീൽ അധ്യക്ഷത വഹിച്ചു. ജനറൽ സെക്രട്ടറി കെ.കെ. ശങ്കരൻ അവതരിപ്പിച്ച പ്രവർത്തന റിപ്പോർട്ട് യോഗം അംഗീകരിച്ചു. ട്രഷറർ ശിവാനന്ദൻ വൈലൂർ വരവുചെലവു കണക്കുകൾ അവതരിപ്പിച്ചു. സംസ്കൃതി സെക്രട്ടറി ഗോപാലകൃഷ്ണൻ അരിച്ചാലിൽ, വൈസ് പ്രസിഡന്റുമാരായ എം.ടി. മുഹമ്മദാലി, സന്തോഷ് തൂണേരി, കേന്ദ്ര എക്സിക്യൂട്ടീവ് അംഗം എൻ. വിജയൻ എന്നിവർ സംസാരിച്ചു.

തുടർന്നു ‘സാമൂഹിക മാധ്യമങ്ങൾ അറിവും പ്രയോഗവും’ എന്ന വിഷയത്തിൽ നടന്ന സെമിനാർ കേന്ദ്ര എക്സിക്യൂട്ടീവ് അംഗങ്ങളായ ഷാനവാസ് ഏലച്ചോല, സുഹാസ് പാറക്കണ്ടി എന്നിവർ നയിച്ചു. സംസ്കൃതി വക്ര യൂണിറ്റിന്റെ നേതൃത്വത്തിൽ നോർക്ക ഹെല്പ് ഡെസ്കും സജീകരിച്ചിരുന്നു.
Copyright @ 2022 , Rashtra Deepika Ltd.