ഭീകരാക്രമണം: ജർമൻകാരിൽ ഭൂരിപക്ഷവും മെർക്കലിനെ കുറ്റപ്പെടുത്തുന്നില്ല
Thursday, August 4, 2016 8:19 AM IST
ബർലിൻ: ജർമനിയിലുണ്ടായ ഭീകരാക്രമണങ്ങളുടെ പേരിൽ ചാൻസലർ ആംഗല മെർക്കലിനെ കുറ്റപ്പെടുത്താൻ മൂന്നിൽ രണ്ട് ജർമൻകാരും തയാറല്ലെന്നു സർവേ ഫലം.

മെർക്കലിന്റെ ഉദാരമായ അഭയാർഥി നയമാണ് ഭീകരാക്രമണങ്ങൾക്കു മൂലകാരണം എന്നാരോപിച്ച് രാജ്യത്തിന്റെ പല ഭാഗങ്ങളിലും പ്രകടനങ്ങൾ സംഘടിപ്പിക്കപ്പെട്ടിരുന്നുവെങ്കിലും ഭൂരിപക്ഷം ബഹുജനങ്ങളും ചിന്തിക്കുന്നത് അങ്ങനെയല്ലെന്നാണ് സർവേയിൽ വ്യക്‌തമാകുന്നത്.

സ്റ്റേൺ മാഗസിനായി ഫോർസ റിസർച്ച് ഗ്രൂപ്പാണ് സർവേ സംഘടിപ്പിച്ചത്. അഭയാർഥി നയമല്ല ഭീകരാക്രമണത്തിനു കാരണമെന്നു ഇതിൽ പങ്കെടുത്ത 69 ശതമാനം പേരും അഭിപ്രായപ്പെട്ടു. 28 ശതമാനം പേർ പറഞ്ഞത് ഇതിനൊന്നും മെർക്കൽ നേരിട്ട് ഉത്തരവാദിയല്ലെന്നാണ്.

<ആ>റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.