മെർക്കലിനു പിന്തുണ കുറയുന്നു
Friday, August 5, 2016 8:16 AM IST
ബർലിൻ: ജർമൻ ചാൻസലർ ആംഗല മെർക്കലിന്റെ ജനപിന്തുണ സംബന്ധിച്ച ഏറ്റവും പുതിയ സർവേ ഫലം പുറത്തുവന്നു. 47 ശതമാനം പേരാണ് ഇപ്പോൾ മെർക്കലിനെ പിന്തുണയ്ക്കുന്നത്. മുൻ സർവേയെ അപേക്ഷിച്ച് 12 ശതമാനം കുറവാണിത്.

2013ൽ മെർക്കൽ വീണ്ടും ചാൻസലറായി തെരഞ്ഞെടുക്കപ്പെട്ട ശേഷമുള്ള ഏറ്റവും കുറഞ്ഞ പിന്തുണയാണ് ഇപ്പോൾ രേഖപ്പെടുത്തിയിരിക്കുന്നത്.

അതേസമയം, മെർക്കലിന്റെ പാർട്ടിയായ സിഡിയുവിന്റെ ബവേറിയൻ സഹോദര പാർട്ടിയായ ക്രിസ്റ്റ്യൻ സോഷ്യലിസ്റ്റ് യൂണിയൻ നേതാവ് ഹോഴ്സ്റ്റ് സീഹോഫറുടെ ജനപിന്തുണയിൽ ഗണ്യമായ വർധനയും രേഖപ്പെടുത്തുന്നു. അദ്ദേഹത്തിനുള്ള പിന്തുണ ഇപ്പോൾ 45 ശതമാനത്തിലെത്തി.

മെർക്കലിന്റെ ഉദാരമായ അഭയാർഥി നയത്തോട് ഏറ്റവും രൂക്ഷമായ വിയോജിപ്പ് പ്രകടിപ്പിച്ചു വരുന്ന നേതാവാണ് സീഹോഫർ.

<ആ>റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.