യൂറോപ്പിൽ ഐഎസ് പ്രവർത്തനം സജീവം: ജർമൻ രഹസ്യാന്വേഷണ വിഭാഗം
Saturday, August 13, 2016 8:46 AM IST
ബർലിൻ: ഇസ്ലാമിക് സ്റ്റേറ്റ് ഭീകര സംഘടനയുടെ പ്രവർത്തനങ്ങൾ യൂറോപ്പിൽ ആകമാനം സജീവമായിരിക്കുന്നു എന്നു ജർമൻ ചാര സംഘടനയുടെ മേധാവി മാൻഫ്രെഡ് ഹോസർ.

അഭയാർഥികൾക്കൊപ്പമാണ് ഭീകരർ യൂറോപ്പിലേക്കു വലിയ തോതിൽ നുഴഞ്ഞു കയറിയത്. അവർ ഇവിടെ ഹിറ്റ് സ്ക്വാഡുകളും സ്ലീപ്പർ സെല്ലുകളും രൂപീകരിച്ച് പ്രവർത്തനം നടത്തുന്നു എന്നും ഹോസർ.

ഭീകര പ്രവർത്തനങ്ങളുമായി ബന്ധപ്പെട്ട നൂറു കണക്കിനു റിപ്പോർട്ടുകളാണ് ഇപ്പോൾ ജർമൻ ഇന്റലിജൻസ് ഏജൻസികളുടെ പക്കലുള്ളത്. ഇവയെല്ലാം ഗൗരവമായി തന്നെ അന്വേഷിച്ചു വരികയുമാണ്.

ഫ്രാൻസും ജർമനിയും അടക്കമുള്ള രാജ്യങ്ങളെ ഐഎസ് പ്രത്യേകം ലക്ഷ്യമിട്ടിരിക്കുന്ന സാഹചര്യത്തിൽ അതീവ ജാഗ്രതയാണ് ഏജൻസികൾ പുലർത്തുന്നതെന്നും ഹോസർ വ്യക്‌തമാക്കി.

<ആ>റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.