മല്ലപ്പളളി സംഗമത്തിന്റെ ഓണാഘോഷം സെപ്റ്റംബർ 10ന്
ഹൂസ്റ്റൺ: മല്ലപ്പളളി താലൂക്കിൽ നിന്നും ഹൂസ്റ്റണിലും സമീപ പ്രദേശത്തും താമസിക്കുന്നവരുടെ കൂട്ടായ്മയായ മല്ലപ്പളളി സംഗമത്തിന്റെ ഓണാഘോഷം സെപ്റ്റംബർ 10നു സ്റ്റാഫോർഡിൽ (920 എങ 1092 ങൗൃുവ്യ ഞഉ ടമേളളീൃറ 77477) നടത്തുന്നു. ഉച്ചയ്ക്കു 12 നാണ് ആഘോഷ പരിപാടികൾ.

കേരള തനിമയാർന്ന ഓണാഘോഷം വൻ വിജയമാക്കുന്നതിനായി പ്രോഗ്രാം കോഓർഡിനേറ്റർ റസ്ലി മാത്യുവിന്റെ നേതൃത്വത്തിൽ കമ്മിറ്റി പ്രവർത്തിച്ചുവരുന്നു. വൈവിധ്യമായ കലാപരിപാടികൾ അവതരിപ്പിക്കാൻ അംഗങ്ങൾക്ക് അവസരമുണ്ടായിരിക്കുമെന്നു സംഘാടകർ അറിയിച്ചു.

മല്ലപ്പളളി താലൂക്കിൽ നിന്നും സാമ്പത്തികമായി പിന്നോക്കം നിൽക്കുന്ന തിരഞ്ഞെടുത്ത രണ്ടു പ്രഫഷണൽ വിദ്യാർഥികർക്കുളള ധനസഹായം കഴിഞ്ഞ ദിവസം പി.എം. ചാക്കോ മല്ലപ്പള്ളിയിൽ വിതരണം ചെയ്തുവെന്നു പ്രസിഡന്റ് നൈനാൻ, സെക്രട്ടറി സിജോ ജോയി, ട്രഷറർ സെന്നി ഉമ്മൻ, വൈസ് പ്രസിഡന്റ് സജി മാത്യു എന്നിവർ അറിയിച്ചു.

വിവരങ്ങൾക്ക് : പ്രസിഡന്റ് ചാക്കോ നൈനാൻ : 832 661 7555

<ആ>റിപ്പോർട്ട്: ജീമോൻ റാന്നി