ലണ്ടൻ: ഹേവാർഡ്ഹീത്തിലെ മലയാളി അസോസിയേഷനുകളായ ഫ്രന്റ്സ് ഫാമിലി ക്ലബ്ബും ഹേവാർഡ് ഹീത്ത് യുണൈറ്റഡ് മലയാളി അസോസിയേഷനും സംയുക്‌തമായി സെപ്റ്റംബർ 10ന് (ശനി) ഓണം ആഘോഷിക്കുന്നു.
മെഥോഡിസ്റ്റ് പാരിഷ് ഹാളിൽ ഉച്ചയ്ക്ക് ഒന്നു മുതൽ രാത്രി 10 വരെയാണ് ആഘോഷ പരിപാടികൾ.
പൂക്കളം ഒരുക്കുന്നതോടുകൂടി ആഘോഷ പരിപാടികൾക്കു തുടക്കമാകും. തുടർന്നു ഓണസദ്യ വിളമ്പും. സ്ത്രീകളുടേയും കുട്ടികളുടെയും മുതിർന്നവരുടേയും വിവിധ കായിക മത്സരങ്ങൾ അരങ്ങേറും.
തുടർന്നു നടക്കുന്ന പൊതുസമ്മേളനത്തിൽ എഫ്എഫ്സി പ്രസിഡന്റ് ബിജു പോത്താനിക്കാട് അധ്യക്ഷത വഹിക്കും. ഹം അസോസിയേഷൻ പ്രസിഡന്റ് നൗഫൽ മുഹമ്മദ്, ആഘോഷ പരിപാടികളുടെ ചെയർപേഴ്സൺമാരായ ജോഷി കുര്യാക്കോസ്, കോര വർഗീസ്, അസോസിയേഷൻ സെക്രട്ടറിമാരായ ജിജോ അരയത്ത്, സിബി കെ. തോമസ്, വൈസ് പ്രസിഡന്റ് ഡിംപിൾ ബേസിൽ, ട്രഷറർമാരായ ജിമ്മി പോൾ, മിനി വർഗീസ്, എക്സിക്യൂട്ടീവ് കമ്മിറ്റികളായ സജി ജോൺ, സണ്ണി ലൂക്ക ഇടത്തിൽ, മിനി സജി, പ്രോഗ്രാം കമ്മിറ്റി അംഗങ്ങളായ സദാനന്ദൻ ദിവാകരൻ, ബാബു മാത്യു, ജോസഫ് തോമസ്, ഷാബു കുര്യൻ, അനിൽ സിവൻ, ബേസിൽ ബേബി, ലിജേഷ് കെ. കുട്ടി തുടങ്ങിയവർ സന്നിഹിതരാകും. കോര വർഗീസ്, ജോഷി കുര്യാക്കോസ്, ടിനോ സെബാസ്റ്റ്യൻ, നൗഫൽ മുഹമ്മദ് എന്നിവർ സംസാരിക്കും.
ചാക്യാർകൂത്ത്, വഞ്ചിപ്പാട്ട്, കോമഡി സ്കിറ്റുകൾ, വിവിധ നൃത്തനൃത്യങ്ങൾ, രാജു ലൂക്കോസും സംഘവും അവതരിപ്പിക്കുന്ന സംഘ നൃത്തം, നാടകം, ഉണ്ണികൃഷ്ണൻ നയിക്കുന്ന ഗാനമേള എന്നിവയും പരിപാടികൾക്കു മാറ്റുകൂട്ടും. ഡിന്നറോടുകൂടി ആഘോഷ പരിപാടികൾ സമാപിക്കും.
വിവരങ്ങൾക്ക്: ബിജു പോത്താനിക്കാട് 07883013201, നൗഫ് മുഹമ്മദ് 07702758614, ജോഷി കുര്യാക്കോസ് 07930601134.