ബർക്കിൻ ഹെഡ് സീറോ മലബാർ കമ്യൂണിറ്റി ഓണം ആഘോഷിച്ചു
Thursday, September 8, 2016 7:19 AM IST
ലിവർപൂൾ: ലോകമെമ്പാടുമുള്ള മലയാളികളും വിവിധ മലയാളി സംഘടനകളും ജാതിമതഭേദമെന്യേ ഓണം ആഘോഷിക്കുമ്പോൾ ബർക്കിൻ ഹെഡ് സീറോ മലബാർ കാത്തലിക് കമ്യൂണിറ്റിയുടെ നേതൃത്വത്തിൽ മലയാളികൾ ഓണം ആഘോഷിച്ചു.

രാവിലെ പൂക്കളമൊരുക്കി ആഘോഷ പരിപാടികൾക്കു തുടക്കം കുറിച്ചു. ഉച്ചയ്ക്ക് നാനാജാതി മതസ്‌ഥർ അണിനിരന്ന ഓണസദ്യയിൽ ഫാ. ബാബു അപ്പാടൻ, ഫാ. ജിനോ അരീക്കാട്ട്, ഫാ. ജിൻസൻ, ഫാ. ഫിലിപ്പ്, ഫാ. വിക്ടർ, ഫാ. റോജർ, ഫാ. രവി, ഫാ. ഗിരീഷ് എന്നീ വൈദികർക്കൊപ്പം ഫാ. ലോനപ്പൻ അരങ്ങാശേരിയും പങ്കെടുത്തു.

തുടർന്നു നടന്ന ഓണാഘോഷ പരിപാടികൾ നാനാജാതി മതസ്‌ഥർ ചേർന്നു നിലവിളക്ക് തെളിച്ചതോടെ ആരംഭം കുറിച്ചു. ഷ്രൂഷ്ബറി രൂപത സീറോ മലബാർ ചാപ്ലെയിൻ റവ. ഡോ. ലോനപ്പൻ ആഘോഷ പരിപാടികൾ ഉദ്ഘാടനം ചെയ്തു. തുടർന്നു കുട്ടികളുടെയും മുതിർന്നവരുടെയും വിവിധ കലാപരിപാടികൾ അരങ്ങേറി.

സീറോ മലബാർ കാത്തലിക് കമ്യൂണിറ്റിയുടെ ആത്മീയ ഗുരു റവ. ഡോ. ലോനപ്പൻ അരങ്ങാശേരിയും ട്രസ്റ്റിമാരായ ജോഷി ജോസഫ്, ജോസഫ് ജോർജ്, ബിജു ജോർജ് എന്നിവരാണ് ആഘോഷപരിപാടികൾക്കു നേതൃത്വം നൽകിയത്.

<ആ>റിപ്പോർട്ട്: അലക്സ് വർഗീസ്
Copyright @ 2022 , Rashtra Deepika Ltd.