റോമിൽ ഡോ. ക്രിസ്തുദാസിനു സ്വീകരണവും മാതാവിന്റെ ജനനത്തിരുനാളും ആഘോഷിച്ചു
Monday, September 12, 2016 6:03 AM IST
റോം: റോമിലെ കേരള റീജൺ ലാറ്റിൻ കത്തോലിക്ക സമൂഹം സെപ്റ്റംബർ 11നു ഹൃസ്വസന്ദർശനാർഥം റോമിലെത്തിയ തിരുവനന്തപുരം അതിരൂപത സഹായ മെത്രാൻ ഡോ. ക്രിസ്തുദാസിന് സ്വീകരണം നൽകി.

തുടർന്നു പരിശുദ്ധ കന്യാമറിയത്തിന്റെ ജനനത്തിരുനാളിനോടനുബന്ധിച്ചു നടന്ന ആഘോഷമായ പൊന്തിഫിക്കൽ കുർബാനക്ക് മുഖ്യകാർമികത്വം വഹിച്ചു. വികാരി ഫാ. ആന്റണി അറയ്ക്കലും വിവിധ വൈദികരും സഹകാർമികരായിരുന്നു.

റോമിലെ കേരള റീജൺ ലാറ്റിൻ സമൂഹത്തിന്റെ ത്രൈമാസിക വോക്സ് റോമയുടെ പ്രകാശനം ഡോ. ക്രിസ്തുദാസ് നിർവഹിച്ചു. തുടർന്നു സ്നേഹവിരുന്നിലും വിശ്വാസികൾക്കൊപ്പം പിതാവ് പങ്കുചേർന്നു.
Copyright @ 2022 , Rashtra Deepika Ltd.