ഡബ്ല്യുഎംസി കോർക്കും പ്രവാസി മലയാളി അസോസിയേഷനും സംയുക്‌തമായി ഓണം ആഘോഷിച്ചു
Monday, September 19, 2016 8:05 AM IST
കോർക്ക്: അയർലൻഡിലെ കോർക്കിൽ ഡബ്ല്യുഎംസി കോർക്കും പ്രവാസി മലയാളി അസോസിയേഷനും സംയുക്‌തമായി മൂന്നാം തവണയും ഓണം ആഘോഷിച്ചു.

ടോഗർ സെന്റ് ഫിൻ ബാർ ഹർലിംഗ് ആൻഡ് ഫുട്ബോൾ ക്ലബ്ബിൽ രാവിലെ ഒമ്പതിന് കുട്ടികളുടെ മത്സരങ്ങളോടെ പരിപാടികൾക്കു തുടക്കമായി. തുടർന്നു സ്മിത സാജന്റെ നേതൃത്വത്തിൽ അത്തപൂക്കളം ഒരുക്കി. വടംവലി മത്സരത്തിൽ വിൽട്ടൻ ഈഗിൾസ് ജേതാക്കളായി. തുടർന്നു ഡബ്ലിനിലെ റോയൽ കാറ്റേഴ്സ് ഓണസദ്യ ഒരുക്കി. വിവിധ കലാമത്സരങ്ങൾക്ക് കിരൺ ഷാജു അവതരാകയായിരുന്നു. അനുഗ്രഹ ഡാൻസ് സ്കൂളിലെ നാല്പതോളം കുട്ടികൾ അവതരിപ്പിച്ച ദശാവതാരത്തിന്റെ ദൃശ്യാവിഷ്കാരം ഏറെ ശ്രദ്ധ പിടിച്ചുപറ്റി. ഇതിനു പിന്നിൽ പ്രവർത്തിച്ച ശരണ്യ ജ്യോതികുമാറിനെ ചടങ്ങിൽ ആദരിച്ചു. കായിക മത്സരങ്ങളിൽ വിജയികളായവർക്കും ലിവിംഗ് സെർട്ട് പരീക്ഷയിൽ ഉന്നതവിജയം നേടിയവർക്കും ഫാ. പോൾ തെറ്റയിൽ സമ്മാനങ്ങൾ വിതരണം ചെയ്തു.

സിപിഎംഎ പ്രസിഡന്റ് സാജൻ ചെറിയാൻ, ഡബ്ല്യുഎംസി വൈസ് ചെയർമാൻ ജയ്സൺ ജോസഫ്, മൈക്കിൾ മർഫി എന്നിവർ പ്രസംഗിച്ചു. ആന്റണി, ടിയ, ഹരീഷ്, സോന, ഷാരൺ എന്നിവരുടെ ഗാനമേളയോടെ ആഘോഷ പരിപാടികൾ സമാപിച്ചു.

റിപ്പോർട്ട്: ഹാരി തോമസ്
Copyright @ 2022 , Rashtra Deepika Ltd.