മെർക്കലിന്റെ അഭയാർഥി നയത്തിന് ഒബാമയുടെ പ്രശംസ
Thursday, September 22, 2016 8:06 AM IST
ബർലിൻ: ജർമൻ ചാൻസലർ ആംഗല മെർക്കലിന്റെ അഭയാർഥി നയം രാജ്യത്തിനുള്ളിൽ കടുത്ത വിമർശനങ്ങൾക്കു പാത്രമായി. അഞ്ചു പ്രാദേശിക തെരഞ്ഞെടുപ്പുകളിലെ തോൽവിക്കുവരെ അതു കാരണമാവുകയും ചെയ്തു. എന്നാൽ, യുഎസ് പ്രസിഡന്റ് ബറാക് ഒബാമ ഇപ്പോഴും മെർക്കലിന്റെ അഭയാർഥി നയത്തെ പ്രശംസകൊണ്ട് മൂടുകയാണ്.

ശരിയായ കാര്യം തന്നെയാണ് മെർക്കൽ ചെയ്യുന്നതെന്ന് ഐക്യരാഷ്ര്‌ട സഭയിൽ ഒബാമ പറഞ്ഞു. അന്താരാഷ്ര്‌ട അഭയാർഥി പ്രശ്നത്തെക്കുറിച്ചുള്ള ചർച്ചയിൽ സംസാരിക്കുകയായിരുന്നു അദ്ദേഹം.

രാഷ്ര്‌ടീയം ചിലപ്പോഴൊക്കെ കഠിനമായിരിക്കും. എന്നാൽ, ജർമനിയും കാനഡയും ശരിയായ കാര്യങ്ങൾ തന്നെയാണു ചെയ്യുന്നത്. ജർമൻ ചാൻസലർ ആംഗല മെർക്കലിനെയും കനേഡിയൻ പ്രധാനമന്ത്രി ട്രൂഡ്യൂവിനെയും വ്യക്‌തിപരമായി അഭിനന്ദിക്കുന്നതായും ഒബാമ പറഞ്ഞു.

റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.