മാർ സ്റ്റീഫൻ ചിറപ്പണത്തിന്റെ മെത്രാഭിഷേക ഒരുക്കങ്ങൾ റോമിൽ പുരോഗമിക്കുന്നു
Sunday, October 2, 2016 3:20 AM IST
റോം: 2016 നവമ്പർ ഒന്നാം തിയതി റോമിലെ ബസിലിക്ക സാൻ പൗളോയിൽ നടക്കുന്ന മാർ സ്റ്റീഫൻ ചിറപ്പണത്തിന്റെ മെത്രാഭിഷേക ഒരുക്കങ്ങൾ പുരോഗമിക്കുന്നു. യൂറോപ്പിന്റെ വിവിധ ഭാഗങ്ങളിൽ ചിതറി കിടക്കുന്ന സിറോ മലബാർ വിശ്വാസികളുടെ ഇടയിലേക്ക് അജപാലന പ്രവർത്തനങ്ങളെ ശാക്തികരിക്കുന്നതിനും ഏകോപിപ്പിക്കുന്നതിനുമായി നിയമിതനായ മാർ സ്റ്റീഫൻ ചിറപ്പണത്തിന്റെ മെത്രാഭിഷേക ചടങ്ങുകൾക്കുള്ള ഒരുക്കങ്ങൾ റോമിൽ ധ്രുതഗതിയിൽ നടക്കുന്നു. ദീർഘനാളത്തെ പ്രാർത്ഥനകളുടെയും ത്യാഗനിർഭരമായ ശുശ്രുഷകളുടെയും പൂർത്തീകരണമാണു യൂറോപ്പിലെ വിശ്വാസികളുടെ ഇടയനായി മാർ സ്റ്റീഫൻ ചിറപ്പണത്ത് അഭിഷിക്‌തനാകുന്ന ഈ സുവർണ നിമിഷം.

കുലീനതയും ലാളിത്യവും, അഗാധമായ പാണ്ഡിത്യവും ഒരു പോലെ സമ്മേളിച്ച വ്യക്‌തിത്വമാണ് മാർ സ്റ്റീഫൻ ചിറപ്പണത്തിന്റേത്. ഓരോ വിശ്വാസിയുടെയും ഹൃദയത്തെ തൊട്ടറിഞ്ഞ് അവരിലൊരാളായി മാറി വിശ്വാസവും കൂട്ടായ്മയും ഊട്ടിയുറപ്പിക്കുന്നതിൽ അദ്ദേഹം നിസംശയം വിജയിച്ചു. സഭയുടെ , റോമിലെ സിറോ മലബാർ പ്രൊക്യൂറേറ്റർ, ഇറ്റലിയിലെ നാഷണൽ കോർഡിനേറ്റർ എന്നീ നിലക്കുള്ള അദ്ദേഹത്തിന്റെ അജപാലന ശുശ്രുഷകൾ ശ്ലാഘനീയമാണ്.

തീഷ്ണമതിയും ക്രാന്തദർശിയും കഴിവുറ്റ ഭരണജ്‌ഞനുമായ മാർ സ്റ്റീഫൻ ചിറപ്പണത്തിന്റെ നേതൃത്വ മികവിന്റെ ഫലമായി ഇറ്റലിയിലെ സിറോ മലബാർ സഭാസമൂഹം വലിയ പുരോഗതിയാണ് കൈവരിച്ചത്. അദ്ദേഹത്തിന്റെ പ്രവർത്തനഫലമായി, റോമാ നഗരത്തിൽ മാത്രമായി പത്തു കുർബാന സെന്ററുകളും ഇറ്റലിയിലെ വിവിധ സ്‌ഥലങ്ങളായ ജനോവ, സാവോണ, മച്ചരാത്ത, നോച്ചറ, പഗാനി , റാവെന്ന, സിസിലിയ, സിയന്ന എന്നിവടങ്ങളിൽ രൂപീകരിക്കപ്പെട്ടിരിക്കുന്ന കൂട്ടായ്മകൾ.

റിപ്പോർട്ട്: ജോസ്മോൻ കമ്മട്ടിൽ
Copyright @ 2022 , Rashtra Deepika Ltd.