ബ്ലാഞ്ചാർസ്ടൗൺ സീറോ മലബാർ കൂട്ടായ്മയിൽ കന്യകാമറിയത്തിന്റെ തിരുനാൾ ഒക്ടോബർ ഒമ്പതിന്
Thursday, October 6, 2016 6:47 AM IST
ഡബ്ലിൻ: ബ്ലാഞ്ചാർസ്ടൗൻ സീറോ മലബാർ കൂട്ടായ്മയിൽ പരിശുദ്ധ കന്യാമറിയത്തിന്റെ തിരുനാൾ ഒക്ടോബർ ഒമ്പതിന് (ഞായർ) സെന്റ് ബ്രിജിത്ത് ദേവാലയത്തിൽ ആഘോഷിക്കുന്നു.

ഉച്ചകഴിഞ്ഞ് രണ്ടിന് വിശുദ്ധ കുർബാനയോടെ തിരുനാൾ കർമങ്ങൾക്ക് തുടക്കം കുറിക്കും. ഫാ. ജോസ് ഭരണികുളങ്ങര, ഫാ.സിജി പന്നകത്തിൽ, ഫാ. മാനുവൽ കരിപ്പോട്ട് എന്നീ വൈദികർ മുഖ്യ കർമികത്വം വഹിക്കുന്ന ആഘോഷമായ തിരുനാൾ പാട്ടുകുർബാനയിൽ ഫാ. മാനുവൽ കരിപ്പോട്ട് തിരുനാൾ സന്ദേശം നൽകും. തുടർന്നു തിരുസ്വരൂപം വഹിച്ച് ആഘോഷമായ പ്രദക്ഷിണവും ലദീഞ്ഞും തിരുനാൾ നേർച്ച വിതരണവും നടക്കും.

മതബോധന ക്ലാസിൽ ഉന്നത വിജയം നേടിയവർക്കും കൂട്ടായ്മയിൽ ജൂണിയർ സെർട്ട്, സീനിയർ സെർട്ട് പൂർത്തിയാർക്കിയവർക്കുമുള്ള സമ്മാനദാനം സെന്റ്ബ്രിജിത് ഇടവക വികാരി ഫാ. സിറിൾ മാഗൻ നിർവഹിക്കും.

തിരുനാൾ തിരുക്കർമങ്ങളിൽ പങ്കെടുത്ത് ദൈവാനുഗ്രഹം പ്രാപിക്കാൻ എല്ലാ വിശ്വാസികളേയും സ്വാഗതം ചെയ്യുന്നതായി ചാപ്ലിന്മാരായ ഫാ. ജോസ് ഭരണികുളങ്ങര, ഫാ.ആന്റണി ചീരംവേലിൽ ബ്ലാഞ്ചാർസ്ടൗൺ മാസ് സെന്റർ സെക്രട്ടറി തോമസ് ആന്റണി ട്രസ്റ്റിമാരായ ടോമി ജെ. തെക്കേക്കര, ഷിജുമോൻ ചാക്കോ എന്നിവർ അറിയിച്ചു.

<ആ>റിപ്പോർട്ട്: ജയ്സൺ കിഴക്കയിൽ
Copyright @ 2022 , Rashtra Deepika Ltd.