സൂറിച്ച് സീറോമലബാർ ബൈബിൾ കൺവെൻഷൻ മാർ ലോറൻസ് മുക്കുഴി നയിക്കും
Saturday, October 22, 2016 4:40 AM IST
സൂറിച്ച്: മാർ ലോറൻസ് മുക്കുഴി നേതൃത്വം നൽകുന്ന സീറോ മലബാർ ബൈബിൾ കൺവെൻഷൻ ഒക്ടോബർ 21, 22, 23 തീയതികളിൽ സൂറിച്ചിൽ നടക്കും.

സൂറിച്ചിലെ സെന്റ് തെരേസ ദേവാലയത്തിൽ വച്ചാണു ബൈബിൾ കൺവെൻഷൻ നടക്കുന്നത്. 21 –നു വെള്ളിയാഴ്ച ഉച്ചയ്ക്ക് ഒന്നിനു ആരംഭിക്കുന്ന ശുശ്രൂഷകൾ വൈകിട്ട് എട്ടുവരെ തുടരും. ശനിയാഴ്ച രാവിലെ ഒമ്പതു മുതൽ 4.30 വരെയും ഞായറാഴ്ച ഒന്നു മുതൽ രാത്രി എട്ടു വരെയുമാണ് സുവിശേഷ യോഗങ്ങൾ നടക്കുന്നത്.

23 –നു ഞായറാഴ്ച യൂറോപ്പിന്റെ അപ്പസ്തോലിക വിസിറ്റേറ്ററായ മാർ സ്റ്റീഫൻ ചിറപ്പണത്തിനു വൈകുന്നേരം സ്വിസിലെ സീറോമലബാർ സമൂഹം ഫാ. തോമസ് പ്ലാപ്പള്ളിയുടെ നേതൃത്വത്തിൽ സ്വീകരണം നൽകും. വൈകിട്ട് 5.30–നു ആഘോഷമായ ദിവ്യബലിയും അർപ്പിക്കും.

വചന ശുശ്രൂഷയ്ക്ക് ബൽത്തങ്ങാടി രൂപതാധ്യക്ഷൻ മാർ ലോറൻസ് മുക്കുഴിയോടൊപ്പം ഫാ. അരുൺ കളമത്തട്ടിലും നേതൃത്വം നൽകും. വചന ശുശ്രൂഷയിലേക്കും മാർ ചിറപ്പണത്തിന് നൽകുന്ന സ്വീകരണങ്ങളിലേക്കും എല്ലാവരെയും സ്നേഹപൂർവ്വം സ്വാഗതം ചെയ്യുന്നതായി സീറോമലബാർ സ്വിസ് കോഡിനേട്ടർ ഫാ. തോമസ് പ്ലാപ്പള്ളി, ബേബി വട്ടപ്പാലം, സ്റ്റീഫൻ വലിയനിലം, അഗസ്റ്റിൻ മാളിയേക്കൽ, ജയിംസ് ചിറപ്പുറത്ത് എന്നിവർ അറിയിച്ചു.
Copyright @ 2022 , Rashtra Deepika Ltd.