സൗത്താംപ്ടണിൽ സ്പിരിച്വൽ റിവൈവൽ മിനിസ്ട്രിയുടെ സിൽവർ ജൂബിലി ആഘോഷങ്ങൾ ഒക്ടോബർ 24, 25, 26, 27 തീയതികളിൽ
Saturday, October 22, 2016 5:41 AM IST
ലണ്ടൻ: സ്പിരിച്വൽ റിവൈവൽ മിനിസ്ട്രിയുടെ സിൽവർ ജൂബിലി ആഘോഷങ്ങൾ ഒക്ടോബർ 24, 25, 26, 27 തീയതികളിൽ സൗത്താംപ്ടണിലെ സെന്റ് ജോസഫ് സെന്ററിൽ നടക്കും.

ഫയർ കോൺഫറൻസിലും ധ്യാന ശുശ്രൂഷയിലും ബിഷപ് ഡോ. ജോസഫ് മാർ തോമസ്, ഡോ. സിൽവിസ്റ്റർ പൊന്നുമുത്തൻ, ഡോ. ആന്റണി സാമി ഫ്രാൻസിസ് എന്നിവർക്കൊപ്പം നിരവധി വൈദികരും വിശ്വാസികളും പങ്കെടുക്കും.

ബംഗളൂരുവിൽ ജോസഫ് സ്റ്റാൻലി സെബാസ്റ്റ്യനും സഹോദരൻ ഫ്രാൻസിസ് സേവ്യറും ചേർന്ന് ആരംഭിച്ച ഡെലിവറൻസ് മിനിസ്ട്രിയാണ് ഇന്ന് എസ്ആർഎം എന്ന ചുരുക്കപ്പേരിൽ ലോകം അറിയപ്പെടുന്ന സ്പിരിച്വൽ റിവൈവൽ മിനിസ്ട്രിയായി വളർന്നത്. ബംഗളൂരു ആർച്ച്ബിഷപ് ആയിരുന്ന ഡോ. ഇഗ്നേഷ്യസ് പിന്റോ ഇന്ത്യയിലും വിദേശത്തുമായി ആഗോള കത്തോലിക്കാ സഭയിൽ ശുശ്രൂഷ ചെയ്യാൻ സംഘത്തിന് അനുമതി നൽകിയത്. തുടർന്ന് ഇപ്പോഴത്തെ ബംഗളൂരു ആർച്ച്ബിഷപ് ഡോ. ബർണഡ് മോറിസിന്റെ തുടർ അനുവാദത്തിൽ പ്രവർത്തിക്കുന്ന മിനിസ്ട്രിയുടെ പേട്രൺ ബിഷപ് ഡോ. ജോസഫ് കളത്തിപറമ്പിലാണ്. യുകെ സ്പിരിച്വൽ ഡയറക്ടറായി റവ. ജോസഫ് സേവ്യറും യുകെ മിഷൻ ഹെഡ് ആയി ജോസഫ് ലോനപ്പനും പ്രവർത്തിക്കുന്നു.

വിവരങ്ങൾക്ക്: മനോജ് 07886692327, ജോസി 07846096512. www.srm_uk.org.

വേദിയുടെ വിലാസം: St. Joseph’s Centre, 8 Lyndhurst Road, Southapton SO40 7 DU.
Copyright @ 2022 , Rashtra Deepika Ltd.