ടംപുമായുള്ള താരതമ്യങ്ങൾ ബർലുസ്കോണി അംഗീകരിച്ചു
Monday, November 14, 2016 7:30 AM IST
റോം: നിയുക്‌ത അമേരിക്കൻ പ്രസിഡന്റ് ഡോണൾഡ് ട്രംപും താനും തമ്മിലുള്ള താരതമ്യങ്ങൾ പ്രതീക്ഷിക്കാവുന്നതെന്ന് ഇറ്റലിയുടെ മുൻ പ്രധാനമന്ത്രി സിൽവിയോ ബർലുസ്കോണി.

ട്രംപിനെ അമേരിക്കക്കാർ തെരഞ്ഞെടുത്തുകഴിഞ്ഞു. ഇനി അദ്ദേഹത്തെ ജോലി ചെയ്യാൻ അനുവദിക്കുകയാണ് ആവശ്യമെന്നും ട്രംപിനെതിരായ വിമർശനങ്ങൾ സൂചിപ്പിച്ച് ബർലുസ്കോണി അഭിപ്രായപ്പെട്ടു.

സ്ത്രീ വിഷയത്തിൽ അടക്കം ട്രംപും ബർലുസ്കോണിയും തമ്മിൽ താരതമ്യങ്ങൾ ഏറെയാണ്. ഇരുവരും നേരിട്ട കേസുകളും ഏറെ. എന്നാൽ, ബർലുസ്കോണിയെ പോലെ ട്രംപ് ക്രിമിനൽ കേസുകളിലൊന്നും കുറ്റക്കാരനായി വിധിക്കപ്പെട്ടിട്ടില്ല.

നാലു തവണ ഇറ്റലിയുടെ പ്രധാനമന്ത്രിയായിരുന്നു എൺപതുകാരനായ ബർലുസ്കോണി. 2013ലും 2015ലും ക്രിമിനൽ കേസുകളിൽ ശിക്ഷിക്കപ്പെട്ടു.

റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.