മാഞ്ചസ്റ്റർ നൈറ്റ് വിജിൽ വെള്ളിയാഴ്ച; ഫാ.റോബിൻസൺ നേതൃത്വം നല്കും
Thursday, November 17, 2016 6:32 AM IST
മാഞ്ചസ്റ്റർ: മാഞ്ചസ്റ്റർ ലോംങ്ങ്സൈറ്റ് സെന്റ് ജോസഫ് ദേവാലയത്തിൽ എല്ലാ മാസത്തിലെയും മൂന്നാമത്തെ വെള്ളിയാഴ്ചകളിൽ നടത്തി വരുന്ന നൈറ്റ് വിജിൽ നവംബർ 18–നു വെള്ളിയാഴ്ച രാത്രി ഒമ്പതു മുതൽ പുലർച്ചെ രണ്ടു വരെ നടക്കും.ജീസസ് യൂത്ത് മാഞ്ചസ്റ്റർ സംഘടിപ്പിക്കുന്ന നൈറ്റ് വിജിലിന് ജീസസ് യൂത്ത് നാഷണൽ ആനിമേറ്റർ റവ.ഫാ.റോബിൻസൺ മെൽക്കിസ് നേതൃത്വം നല്കും.

മരിച്ചുപോയ ആത്മാക്കൾക്കായുള്ള പ്രത്യേക പ്രാർത്ഥന, ആഘോഷമായ വി.കുർബാന, അനുരഞ്ജന ശുശ്രൂഷ, വചനാഗ്നി ചൊരിയുന്ന പ്രഭാഷണങ്ങൾ, ആത്മീയാഭിഷേകം തുളുമ്പുന്ന സ്തുതിപ്പുകൾ, ഹൃദയത്തെ തൊട്ടുണർത്തുന്ന ഗാനങ്ങൾ, ആന്തരീക ശുദ്ധി പകരുന്ന ആരാധന തുടങ്ങിയവയാണ് നൈറ്റ് വിജിലിലെ പ്രധാന ശുശ്രൂഷകൾ. പരിശുദ്ധ ഫ്രാൻസീസ് മാർപാപ്പയുടെ അഹ്വാനം സ്വീകരിച്ച് കരുണയുടെ വർഷം അവസാനിക്കുമ്പോൾ പ്രത്യേകമായി ഒരുക്കത്തോടെ പ്രാർത്ഥനാ ജീവിതത്തിലേക്ക് പ്രവേശിക്കുവാനും, അതുവഴി ജീവിതനവീകരണത്തിലേക്കും, അനുഗ്രഹങ്ങൾ നേടുവാനുമായി ലഭിക്കുന്ന ഈ അവസരം പരമാവധി പ്രയോജനപ്പെടുത്തുവാൻ ജീസസ് യൂത്ത് ടീമംഗങ്ങൾ സ്വാഗതം ചെയ്തു.

കൂടുതൽ വിവരങ്ങൾക്ക്: ജോബി വർഗീസ് (7825871317), ജയ്സൺ മേച്ചേരിൽ (7915652674). ദേവാലയത്തിന്റെ വിലാസം: ST .JOSEPH' S CHURCH, PORTLAND CRESENT, LONGSIGHT, M I3 OBU

റിപ്പോർട്ട്: അലക്സ് വർഗീസ്
Copyright @ 2022 , Rashtra Deepika Ltd.