സൂറിച്ചിൽ ഡബ്ല്യുഎംസി യൂത്ത് ഫോറം ഫുട്ബോൾ ടുർണമെന്റ് 19ന്
Friday, November 18, 2016 7:07 AM IST
സൂറിച്ച്: വേൾഡ് മലയാളി കൗൺസിൽ യൂത്ത് ഫോറം സ്വിസ് പ്രൊവിൻസ് സംഘടിപ്പിക്കുന്ന ഫുട്ബോൾ ടൂർണമെന്റ് നവംബർ 19ന് (ശനി) സൂറിച്ചിൽ അരങ്ങേറും.

റുംലാംഗിലെ സ്പോർട്സ് ഹാളിൽ അരങ്ങേറുന്ന ടൂർണമെന്റിൽ സ്വിറ്റ്സർലൻഡിലെ വിവിധ ഭാഗങ്ങളിൽ നിന്നും 13 ടീമുകൾ പങ്കെടുക്കുമെന്ന് യൂത്ത് ഫോറം പ്രസിഡന്റ് സ്മിത നമ്പുശേരിൽ, സെക്രട്ടറി റോഷ്നി കാ ശാംകാട്ടിൽ, സ്പോർട്സ് സെക്രട്ടറി രഞ്ജി പാറച്ചെരി എന്നിവർ അറിയിച്ചു.

രാവിലെ എട്ടിന് ആരംഭിക്കുന്ന മത്സരങ്ങളുടെ ഫൈനൽ വൈകുന്നേരം ആറിന് നടക്കും.

ടുർണമെന്റ് വിജയത്തിനായി ഫ്രഡിൻ താഴത്തുകുന്നേൽ, ഹണി കൊറ്റത്തിൽ, ഫിൽ ഏഴുകാട്ടിൽ, ലാൻസ് ജെറി അറയ്ക്കൽ, ടോണി കൊറ്റത്തിൽ, ആതിര കാശാംകാട്ടിൽ എന്നിവരടങ്ങുന്ന കമ്മിറ്റി പ്രവർത്തിച്ചുവരുന്നതായി യൂത്ത് ഫോറം കൺവീനർ ജോഷി താഴത്തുകുന്നേൽ അറിയിച്ചു.

റിപ്പോർട്ട്: ഷിജി ചീരംവേലിൽ
Copyright @ 2022 , Rashtra Deepika Ltd.