ഒഐസിസി ഇറ്റലി പ്രവർത്തക കൺവൻഷൻ ശ്രദ്ധേയമായി
Monday, December 5, 2016 10:19 AM IST
റോം: ഓവർസീസ് ഇന്ത്യൻ കൾചറൽ കോൺഗ്രസ് (ഒഐസിസി) ഇറ്റലിയുടെ സ്നേഹഭവൻ ഉദ്ഘാടനവും പ്രവർത്തക കൺവൻഷനും പൊതുസമ്മേളനവും വിപുലമായ പരിപാടികളോടെ ഇറ്റലിയിലെ റോമിൽ നടത്തി.

ഡിസംബർ നാലിന് രാവിലെ 11 ന് കോട്ടയം ഡിസിസി പ്രസിഡന്റും ലോയേഴ്സ് യൂണിയൻ സംസ്‌ഥാന ജനറൽ സെക്രട്ടറിയുമായ അഡ്വ. ടോമി കല്ലാനി പരിപാടി ഉദ്ഘാടനം ചെയ്തു. ചടങ്ങിൽ തിരുവനന്തപുരം ഡിസിസി ജനറൽ സെക്രട്ടറി ബർബി ഫെർണാണ്ടസ് മുഖ്യാതിഥിയായി പങ്കെടുത്തു.

സ്നേഹഭവനത്തിന്റെ ആദ്യഘഡു ചെക്ക് ടോമി കല്ലാനിക്ക് ഒഐസിസി ഇറ്റലി പ്രസിഡന്റ് ജോമോൻ തോമസ് കൈമാറി. ഒഐസിസി ഇറ്റലിയുടെ പ്രവർത്തനത്തിൽ സന്തോഷം രേഖപ്പെടുത്തിയ ടോമി കോൺഗ്രസ് എന്ന മഹാപ്രസ്‌ഥാനത്തിന്റെ പ്രസക്‌തിയെക്കുറിച്ചും പ്രസംഗിച്ചു. മുൻമുഖ്യമന്ത്രി ഉമ്മൻ ചാണ്ടി, കെപിസിസി പ്രസിഡന്റ് സുധീരൻ എന്നിവരുടെ സന്ദേശം ബർബി ഫെർണാണ്ടസ് വായിച്ചു.

ഒഐസിസി ഇറ്റലിയുടെ പ്രവർത്തന റിപ്പോർട്ട് സെക്രട്ടറി ജോജി അച്ചട്ട് സമ്മേളനത്തിൽ അവതരിപ്പിച്ചു. ജോമോൻ തോമസ്, ട്രഷറാർ ഷിബു മാത്തൂർ, വൈസ് പ്രസിഡന്റ് ഷൈൻ ലോപ്പസ് എന്നിവർ പ്രസംഗിച്ചു. ഒഐസിസി ഇറ്റലിയുടെ സ്നേഹഭവനത്തിന്റെ സമ്മാനകൂപ്പൺ നറുക്കെടുപ്പും ചടങ്ങിൽ നടത്തി. സ്നേഹവിരുന്നോടെ പരിപാടികൾ സമാപിച്ചു.

റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.