ജർമനിയിൽ ഹൈവേയിൽ കാറ്റാടി വീണ് ലോറി തരിപ്പണമായി
Wednesday, May 17, 2017 8:13 AM IST
ബർലിൻ: ജർമൻ ഹൈവേയിൽ ലോറിയിടിച്ച് കാറ്റാടി (ടർബൈൻ ബ്ലേഡ്) മറിഞ്ഞുവീണ് ബ്ലേഡ് കൊണ്ട് ലോറി തരിപ്പണമായി. മദ്ധ്യജർമൻ നഗരമായ ഡോർട്ട്മുണ്ടിനും ഹാനോവറിനുമിടയിൽ ബീലെഫെൽഡിലാണ് (ഹൈവേ നന്പർ 33) സംഭവം.

പതിനാറു ടണ്‍ ഭാരമുള്ള ടർബൈൻ വാഹനം കാറ്റാടിപ്പാടത്തേക്കു കൊണ്ടുപോകുന്നതിനിടെ അപകടത്തിൽപ്പെട്ടു റോഡിലേക്ക് വീണത്. ഇതോടെ മണിക്കൂറുകളോളം ഹൈവേയിൽ ഗതാഗതം തടസപ്പെട്ടു. ടർബൈൻ വാഹനത്തിന്‍റെ എസ്കോർട്ട് വണ്ടിയിൽ മറ്റൊരു വാഹനം കേറിയിടിച്ചാണ് അപകടം സംഭവിച്ചത്.

5,20,000 യൂറോ വില മതിക്കുന്ന കാറ്റാടിക്ക് 62 മീറ്ററായിരുന്നു നീളം. ഹാസൽബാഹിലെ കാറ്റാടിപ്പാടത്തേക്ക് കൊണ്ടു പോകുകയായിരുന്നു ഇത്. അപകടത്തിൽ 61 കരനായ ലോറി ഡ്രൈവർക്കു പരുക്കേറ്റതല്ലാതെ മറ്റാർക്കും ആളപായമോ പരുക്കോ ഉണ്ടായിട്ടില്ല.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.