ലിബിയയില്‍ അഭയാര്‍ഥി ബോട്ട് മുങ്ങി അമ്പതോളം പേരെ കാണാതായി
ട്രിപ്പോളി: ലിബിയയില്‍ അഭയാര്‍ഥികളുമായി പോയ ബോട്ട് മുങ്ങി അമ്പതോളം പേരെ കാണാതായി. നൂറോളം പേരാണ് ബോട്ടിലുണ്ടായിരുന്നത്. ഇതില്‍ 35 പേരെ രക്ഷപ്പെടുത്തി. എട്ടുപേരുടെ മൃതദേഹം കണ്ടെത്തിയതായും ലിബിയന്‍ നാവികസേന അറിയിച്ചു.

അപകടസ്ഥലത്ത് രക്ഷാപ്രവര്‍ത്തനം തുടരുകയാണ്. യൂറോപ്പിലേക്ക് കടക്കുന്നതിനായി ആഫ്രിക്കയില്‍നിന്നുള്ള അഭയാര്‍ഥികളാണ് ബോട്ടിലുണ്ടായിരുന്നതെന്നും നാവികസേന അധികൃതര്‍ അറിയിച്ചു.