കോർക്ക് സീറോ മലബാർ ചർച്ചിന്‍റെ ക്രിസ്മസ് പുതുവത്സരാഘോഷങ്ങൾ ഡിസംബർ 28 ന്
Saturday, November 18, 2017 7:10 AM IST
വിൽട്ടണ്‍: കോർക്ക് സീറോ മലബാർ സമൂഹം പന്ത്രണ്ടാമത് ക്രിസ്മസ്, പുതുവത്സരാഘോഷങ്ങളും പതിനൊന്നാമത് മതബോധന സ്കൂൾ വാർഷികവും ഇടവകദിനവും സംയുക്തമായി വിൽട്ടണ്‍ എസ്എംഎ ഹാളിൽ ആഘോഷിക്കുന്നു. ഡിസംബർ 28 ന് (വ്യാഴം) ഉച്ചകഴിഞ്ഞ് രണ്ടു മുതൽ നടക്കുന്ന ആഘോഷ പരിപാടികൾ കോർക്ക് റോസ് രൂപതാധ്യക്ഷൻ ബിഷപ് ജോണ്‍ ബക്ലി ഉദ്ഘാടനം ചെയ്യും.

മതബോധന അധ്യാപകരുടെ നേതൃത്വത്തിൽ വിദ്യാർഥികളുടെ കലാപരിപാടികളും പൊതു പരീക്ഷയിൽ ഉന്നത വിജയം കരസ്ഥമാക്കിയ കുട്ടികൾക്കും മതബോധന ക്ലാസിൽ മികച്ച വിജയം കരസ്ഥമാക്കിയ കുരുന്നുകൾക്കും ബൈബിൾ ക്വിസ് മത്സര വിജയികൾക്കുള്ള സമ്മാനങ്ങളും ചടങ്ങിൽ വിതരണം ചെയ്യും.

കലാപരിപാടികൾ അവതരിപ്പിക്കുവാൻ താത്പര്യം ഉള്ളവർ ഡിസംബർ 17 നു മുൻപ് കൾച്ചറൽ കമ്മിറ്റിയുമായി ബന്ധപ്പെടേണ്ടതാണ്.

പരിപാടികളുടെ വിജയത്തിനായി ഫാ. സിബി അറയ്ക്കലിന്േ‍റയും കൈക്കാരൻമാരുടേയും മതബോധന പ്രധാനാധാപികയുടേയും ഷീലാ ജോണ്‍സണ്‍ (കൾച്ചറൽ കമ്മിറ്റി കണ്‍വീനർ), വിൽസണ്‍ വർഗീസ് (ഫുഡ് കമ്മിറ്റി കണ്‍വീനർ), തോമസുകുട്ടി ഈയാളിൽ (സ്റ്റേജ് കമ്മിറ്റി കണ്‍വീനർ), ലിജോ ജോസഫ് (ഫൈനാൻസ്, ജനറൽ കണ്‍വീനർ) നേതൃത്വത്തിൽ വിവിധ കമ്മിറ്റികൾ പ്രവർത്തനം ആരംഭിച്ചു. പ്രവേശനം പാസുമൂലം നിയന്ത്രിച്ചിട്ടുണ്ട്.

വിവരങ്ങൾക്ക്:wwws.yromalabarchurch.ie
Copyright @ 2022 , Rashtra Deepika Ltd.