ജർമനിയിൽ ഭീകരാക്രമണത്തിനു പദ്ധതിയിട്ട ആറു സിറിയക്കാർ അറസ്റ്റിൽ
Wednesday, November 22, 2017 1:26 PM IST
ബെർലിൻ: ജർമനിയിൽ ഭീകരാക്രമണം നടത്താൻ പദ്ധതി തയാറാക്കിയ ആറ് സിറിയൻ അഭയാർഥികളെ ജർമൻ പോലീസ് അറസ്റ്റ് ചെയ്തു. ഇസ് ലാമിക് സ്റ്റേറ്റ് ഭീകര സംഘടനയ്ക്കു വേണ്ടിയായിരുന്നു ഇവരുടെ തയാറെടുപ്പ്. ക്രിസ്മസിനോടനുബന്ധിച്ച് നവംബർ അവസാനം മുതൽ തുറക്കുന്ന ക്രിസ്മസ് ചന്തകളിൽ ആക്രമണം നടത്താനായിരുന്നു പദ്ധതി. എസൻ പട്ടണത്തിലെ ചന്തകളിൽ ആക്രമണം നടത്താനാണ് ഇവർ പദ്ധതിയിട്ടിരുന്നത്.

20 മുതൽ 28 വരെ പ്രായമുള്ള പ്രതികളുടെ കൂടുതൽ വിവരങ്ങൾ പുറത്തുവിട്ടിട്ടില്ല. കാസൽ, എസൻ, ഹാനോവർ, ലീപ്സീഗ് എന്നിവിടങ്ങളിൽ പോലീസ് നടത്തിയ റെയ്ഡിലാണ് ഇവർ പിടിയിലായത്.

റിപ്പോർട്ട്: ജോസ് കുന്പിളുവേലിൽ
Copyright @ 2022 , Rashtra Deepika Ltd.