ഷിക്കാഗോ: ഷിക്കാഗോയിലും പരിസര പ്രദേശങ്ങളിലും താമസിക്കുന്ന മലയാളികൾക്കുമായി ഷി ക്കഗോ മലയാളി അസോസിയേഷൻ ഒരുക്കുന്ന ഷിക്കാഗോ മലയാളി പിക്നിക്കിന്റെ ഒരുക്കങ്ങൾ പൂർത്തിയായതായി പ്രസിഡന്റ് രഞ്ജൻ അബ്രഹാമും സെക്രട്ടറി ജിമ്മി കണിയാലിയും പിക്നിക് കണ്വീനർ സണ്ണി മൂക്കെട്ടും അറിയിച്ചു. ജൂണ് 16 ശനിയാഴ്ച രാവിലെ പതിനൊന്നു മുതൽ വൈകുന്നേരം ആറു വരെ മോർട്ടൻ ഗ്രോവിലുള്ള ലാർജ് ഗ്രോവ് ഷെൽട്ടർ (6308 Dempster St, Morton grove, IL -60053) വച്ചു പിക്നിക് നടത്തപ്പെടും.
സണ്ണി മൂക്കെട്ട് (കണ്വീനർ) , ജോഷി മാത്യു പുത്തൂരാൻ, ചാക്കോ തോമസ് മറ്റത്തിപ്പറന്പിൽ എന്നിവരാണ് പിക്നിക് കമ്മിറ്റി അംഗങ്ങൾ. കൊച്ചു കുട്ടികൾ മുതൽ മുതിർന്നവർ വരെ എല്ലാവർക്കും പങ്കെടുക്കാവുന്ന എല്ലാ വിഭാഗം ആളുകൾക്കും ആഹ്ളാദം പകരുന്ന പരിപാടികളാണ് ആസൂത്രണം ചെയ്തിരിക്കുന്നത്. ന്യൂ മഹാരാജാ കേറ്ററിംഗ് ആണ് രുചികരമായ ഭക്ഷണങ്ങൾ തയാറാക്കുന്നത് . സ്ഥിരം പിക്നികുകളിൽ നിന്നും വ്യത്യസ്തമായ പല കേരളീയ വിഭവങ്ങളും പ്രതീക്ഷിക്കാമെന്നും പിക്നിക് കമ്മിറ്റി പറഞ്ഞു. മത്സരങ്ങളിൽ വിജയികളാകുന്നവർക്ക് സമ്മാനങ്ങളും നൽകുന്നതായിരിക്കും.
ഫിലിപ്പ് പുത്തൻപുരയിൽ, ജോണ്സൻ കണ്ണൂക്കാടൻ, ജിതേഷ് ചുങ്കത്തു, ഷാബു മാത്യു, അച്ചൻകിഞ്ഞ് മാത്യു, ജേക്കബ് മാത്യു പുറയംപള്ളി, ജോഷി വള്ളിക്കളം, ജോസ് സൈമണ് മുണ്ടപ്ലാക്കിൽ, മത്തിയാസ് പുല്ലാപ്പള്ളിൽ , ഷിബു മുളയാനിക്കുന്നേൽ , സ്റ്റാൻലി മാത്യൂ , സിബിൾ ഫിലിപ്പ്, മനു നൈനാൻ, സഖറിയാ ചേലക്കൽ ടോമി അന്പേനാട്ട്, ബിജി സി മാണി എന്നിവരടങ്ങുന്ന ഡയറക്ടർ ബോർഡ് പിക്നിക് വിജയിപ്പിക്കാനാവശ്യമായ അവസാന മിനുക്കുപണികളിൽ മുഴുകിയിരിക്കുകയാണ് .
ഗൃഹാതുരസ്മരണകളെ തൊട്ടുണർത്തുവാനും, പഴയതും പുതിയതുമായ അനുഭവങ്ങൾ പങ്കുവയ്ക്കുവാനും സൗഹൃദങ്ങളെ ഉൗട്ടിയുറപ്പിക്കുവാനും മറ്റു മലയാളികളെ പരിചയപ്പെടുവാനും അവസരം നൽകുന്ന ഈ പിക്നിക്കിലേക്ക് എല്ലാ മലയാളികളെയും കുടുംബസമേതം സ്വാഗതം ചെയ്യുന്നു കൂടുതൽ വിവരങ്ങൾക്ക് സണ്ണി മൂക്കെട്ട് (847 401 2742 ) , ജോഷി പുത്തൂരാൻ (630 544 7780) ചാക്കോ തോമസ് മറ്റത്തിപ്പറന്പിൽ ( 847 373 8756)
റിപ്പോർട്ട് ജിമ്മി കണിയാലി