ഡോ. സെലിൻ പൗലോസിനു ഷൈനിംഗ് സ്റ്റാർ ബഹുമതി
Saturday, November 18, 2017 10:24 AM IST
ന്യൂയോർക്ക്: ഡോ. സെലിൻ പൗലോസിനു ന്യൂയോർക്കിലെ ബ്രൂക്ലിൻ രൂപത ഷൈനിംഗ് സ്റ്റാർ’ പദവി നൽകി ആദരിച്ചു. 2017ലെ സാമുദായിക പ്രവർത്തനത്തിനുള്ള അംഗീകാരമായാണ് ഈ ആദരവ്.

ബ്രൂക്ലിനിലെ പ്രശസ്തമായ ഇറ്റാലിയൻ റസ്റ്ററന്‍റ് ഗാർജിയൂളോസിൽ നടന്ന പ്രത്യേക ഡിന്നർ ചടങ്ങിൽ ബ്രൂക്ലിൻ ബിഷപ് നിക്കോളാസ് ഡിമാർസിയോയിൽ നിന്നും സെലിൻ ബഹുമതി ഏറ്റുവാങ്ങി.

ന്യൂയോർക്കിലെ ഇന്ത്യൻ ലാറ്റിൻ കാത്തലിക് കമ്യൂണിറ്റിയുടെ നേതൃനിരയിൽ കഴിഞ്ഞ ഒന്നര ദശാബ്ദമായി പ്രവർത്തിച്ചുവരുന്ന ഡോ. സെലിൻ, കമ്യൂണിറ്റി ക്വയറിലെ ഗായികയും നല്ലൊരു നർത്തകിയുമാണ്.

ന്യൂയോർക്ക് ഫ്ളഷിംഗ് ഹോസ്പിറ്റൽ എമർജൻസി ഡിപ്പാർട്ട്മെന്‍റിൽ സേവനം ചെയ്യുന്ന ഡോ. സെലിൻ കുടുംബസമേതം ഫ്ളോറൽ പാർക്കിലാണ് താമസം.

ഭർത്താവ്: ഡോ. സുരേഷ് പൗലോസ്. മക്കൾ: ദീപ, ജോർഡൻ, ജോയ്സ്.

റിപ്പോർട്ട്: ജോയിച്ചൻ പുതുക്കുളം

Copyright @ 2022 , Rashtra Deepika Ltd.