ഷിക്കാഗോ കെസിഎസ് ക്നാനായ സെന്‍റർ വാങ്ങി
Sunday, November 19, 2017 1:43 AM IST
ഷിക്കാഗോ: ഷിക്കാഗോ ക്നാനായ കാത്തലിക് സൊസൈറ്റി വളരെ വർഷത്തെ പരിശ്രമങ്ങളുടെ ഭാഗമായി മറ്റൊരു ക്നാനായ സെന്‍റർകൂടി വാങ്ങിച്ചു. ഷിക്കാഗോയിൽ ക്നാനായക്കാർ ഏറ്റവും കൂടുതൽ തിങ്ങിപ്പാർക്കുന്ന ഡസ്പ്ലെയിൻസിലാണ് ഇരുപത്തയ്യായിരം സ്ക്വയർഫീറ്റുള്ളതാണ് പുതിയ ക്നാനായ സെന്‍റർ.

നവംബർ 15-നു നടന്ന ക്ലോസിങിൽ ക്നാനായ റീജിയൻ ഡയറക്ടർ റവ.ഫാ. തോമസ് മുളവനാലും, കെസിഎസ് എക്സിക്യൂട്ടീവ് അംഗങ്ങളും, സേർച്ച് കമ്മിറ്റി അംഗങ്ങളും, ബിൽഡിംഗ് ബോർഡ് അംഗങ്ങളും പങ്കെടുത്തു. കഴിഞ്ഞ ഒരു മാസമായി കെസിഎസ് എക്സിക്യൂട്ടിവിന്േ‍റയും കമ്മിറ്റി അംഗങ്ങളുടേയും വിശ്രമമില്ലാത്ത പരിശ്രമമാണ് ഈ സെന്‍റർ യാഥാർത്ഥ്യത്തിലെത്തിച്ചത്. പ്രസിഡന്‍റ് ബിനു പൂത്തുറയിൽ,വൈസ് പ്രസിഡന്‍റ് സാജു കണ്ണന്പള്ളി, സെക്രട്ടറി ജോണിക്കുട്ടി പിള്ളവീട്ടിൽ,കമ്മിറ്റി ചെയർമാൻ സിറിയക് കൂവക്കാട്ടിൽ എന്നിവർ പ്രസംഗിച്ചു.

പുതിയ ക്നാനായ സെന്‍ററിന്‍റെ വെഞ്ചരിപ്പു കർമ്മം നവംബർ 26-നു വൈകിട്ട് 7.30-നു കോട്ടയം അതിരൂപതാ മെത്രാപ്പോലീത്ത മാർ മാത്യു മൂലക്കാട്ട് പിതാവ് നിർവഹിക്കും. ഈ അനുഗ്രഹിത ശുശ്രൂഷയിലേക്ക് ഏവർക്കും സ്വാഗതം.

റിപ്പോർട്ട്: ജോണിക്കുട്ടി പിള്ളവീട്ടിൽ
Copyright @ 2022 , Rashtra Deepika Ltd.