സോയ നായരുടെ "യാർഡ് സെയിൽ’ പ്രകാശനം ചെയ്തു
Tuesday, November 21, 2017 6:23 AM IST
ന്യൂയോർക്ക്: അമേരിക്കൻ മലയാളിയായ യുവകവയത്രിയും അക്ഷരമുദ്രാ കവിതാ പുരസ്കാരജേതാവുമായ സോയ നായരുടെ രണ്ടാമത് കവിതാസമാഹാരം "യാർഡ് സെയിൽ’ പ്രകാശനം ചെയ്തു.

ഷാർജ അന്താരാഷ്ട്രപുസ്തകോൽസവത്തിൽ നടന്ന ചടങ്ങിൽ പ്രശസ്ത പ്രവാസി എഴുത്തുകാരി ഹണിഭാസ്കർ സാമൂഹ്യപ്രവർത്തകനും സാഹിത്യകാരനുമായ റജി ഗ്രീൻലാന്‍റിനു നൽകി പ്രകാശനം നിർവഹിച്ചു.

ചടങ്ങിൽ പ്രശസ്ത കഥാകൃത്തും കവയത്രിയുമായ കെ.പി. സുധീര, പ്രവാസി സാഹിത്യകാരൻ പി. ശിവപ്രസാദ്, നൂറനാട് ശ്രീകുമാർ, മനോജ്, അശോക് ബാബു, വിദ്യാ ഡിജിത്, ആർട്ടിസ്റ്റ് ശ്രീകുമാർ കാമിയോ തുടങ്ങിയവർ സംബന്ധിച്ചു.

സോയ നായരുടെ ആദ്യ കവിതാസമാഹാരം "ഇണനാഗങ്ങൾ' (പായൽ ബുക്സ്, കണ്ണൂർ) 2013 ൽ പുറത്തിറങ്ങി. ഫോമാ 2015 കവിതാ പുസ്തക പുരസ്കാരം, ഫൊക്കാന 2015 കവിതാ പുരസ്കാരം, അക്ഷരമുദ്ര പ്രഥമ സാഹിത്യ പുരസ്കാരം 2017 എന്നീ അവാർഡുകൾ ലഭിച്ചിട്ടുണ്ട്.

പുതിയ കാലത്തിന്‍റെ സൂക്ഷ്മനിരീക്ഷണത്തിനു വിധേയമാക്കുന്ന പെണ്‍കാഴ്ചകളുടെ സന്പന്നതയാണു സോയ നായരുടെ കവിതകളുടെ പ്രത്യേകത. സ്വാതന്ത്ര്യത്തിന്‍റെ ഇരുചിറകുകളും വീശി പുത്തൻ കവിതയിലേക്ക് പറന്നുയരുന്നു എന്ന പ്രശസ്ത നോവലിസ്റ്റ് ബെന്യാമിന്‍റെ അവതാരികയോടു കൂടിയ 33 കവിതകൾ അടങ്ങിയ കവിതാസമാഹാരത്തിന്‍റെ പ്രസാധകർ പ്രഭാത് ബുക്ക് ഹൗസ് ആണ്. പ്രഭാത് ബുക്ക് ഹൗസിന്‍റെ എല്ലാ ശാഖകളിലും ഈ പുസ്തകം ലഭ്യമാണ്. ംംം.ുൗെവേമസമസമറമ.രീാ എന്ന വെബ്സൈറ്റിലൂടെ പുസ്തകം ഓണ്‍ലൈൻവഴിയും ലഭ്യമാകും.

റിപ്പോർട്ട്: ജോസ് കാടാപ്പുറം
Copyright @ 2022 , Rashtra Deepika Ltd.