ഹാലിഫാക്സ്: കാനഡ സീറോ മലബാർ മലയാളികളുടെ ആത്മീയ ജീവിതത്തിൽ പുത്തൻ ഉണർവും ആത്മീയ അഭിഷേകവും പകർന്നുനൽകി പതിനായിരങ്ങളെ ആത്മീയ കൃപയുടെ വഴിയിലേക്കു നയിച്ചുകൊണ്ടിരിക്കുന്ന ക്യൂൻമേരി മിനിസ്ട്രിയുടെ നേതൃത്വത്തിൽ ഹാലിഫാക്സിലുള്ള St. Anthoneys Catholic Church, 10243 Highway 3, Hubbards, BOJ ITO ൽ നവംബർ 24,25,26 (വെള്ളി, ശനി, ഞായർ) തീയതികളിൽ ആത്മാഭിഷേക കുടുംബ നവീകരണ ധ്യാനം നടത്തുന്നു.
വെള്ളി, ശനി ദിവസങ്ങളിൽ രാവിലെ ഒന്പതു മുതൽ വൈകുന്നേരം 5 വരേയും ഞായർ ഉച്ചയ്ക്ക് 12 മുതൽ വൈകുന്നേരം 7 വരേയുമാണ് ധ്യാനം.
അനുഗ്രഹീത വചനപ്രഘോഷൻ ഫാ. പീറ്റർ വെട്ടിക്കാനക്കുടി (ഡയറക്ടർ, ഗാഗുൽത്താ ധ്യാനകേന്ദ്രം, തൃശൂർ), ബ്രദർ പി.ഡി. ഡൊമിനിക് (ചെയർമാൻ മരിയൻ ടിവി & ക്യൂൻമേരി മിനിസ്ട്രി), അനുഗ്രഹീത ഗാനശുശ്രൂഷകൻ റ്റോജോ ജോർജ് എന്നിവർ നേതൃത്വം നൽകുന്ന ധ്യാനത്തിന്‍റെ ഉദ്ഘാടനം ഹിലിഫാക്സ് ആർച്ച്ബിഷപ് അന്തോനി മാൻസിനി നിർവഹിക്കും. സീറോ മലബാർ കാനഡ എക്സാർക്കിയേറ്റ് ജോസ് കല്ലുവേലിൽ ആമുഖ പ്രഭാഷണം നടത്തും.
വിവരങ്ങൾക്ക്: റവ.ഫാ. തോമസ് തെക്കേക്കര 902 210 7492, റോഷൻ വർഗീസ് 902 412 1434, സിസിൽ സെബാസ്റ്റ്യൻ 902 412 9020. സിജു മാത്യു 902 237 6008.
റിപ്പോർട്ട്: ജോയിച്ചൻ പുതുക്കുളം