ടാന്പാ: ഫോമ സണ്‍ഷൈൻ റീജണ്‍ യുവജനോത്സവം പ്രൗഢഗംഭീരമായി. നവംബർ 11ന് രാവിലെ 10ന് ടാന്പ സെന്‍റ് ജോസഫ് സീറോ മലബാർ കത്തോലിക്കാ ദേവാലയ ഓഡിറ്റോറിയത്തിൽ ആരംഭിച്ച യുവജനോൽസവം ഫോമാ സെക്രട്ടറി ജിബി തോമസ് ഉദ്ഘാടനം ചെയ്തു. തുടർന്നു നടന്ന സംഗീത നടന വിസ്മമയത്തിൽ ഫ്ളോറിഡയുടെ വിവിധ ഭാഗത്തുനിന്നും 9 മലയാളി അസോസിയേഷനുകളെ പ്രതിനിധീകരിച്ച് 250ൽപരം മത്സരാർഥികൾ വിവിധ ഇനങ്ങളിൽ മാറ്റുരച്ചു.
മത്സരാർഥികളുടെ ബാഹുല്യം കണക്കിലെടുത്ത് ദേവാലയത്തിലെ മൂന്നു വേദികളിൽ ഒരേസമയം വിവിധ മത്സരങ്ങൾ നടന്നു. മത്സരങ്ങൾക്ക് ഫ്ളോറിഡയിലെ വിവിധ ഭാഗങ്ങളിൽനിന്നുള്ള പ്രഗത്ഭരായ വിധികർത്താക്കൾ മൂല്യനിർണയം നടത്തി.
ഗ്രാൻഡ് ഫിനാലെ ഫോമാ ജനറൽ സെക്രട്ടറി ജിബി തോമസ് ഭദ്രദീപം തെളിയിച്ച് ഗ്രാൻഡ്ഫിനാലെ ഒൗപചാരികമായി ഉദ്ഘാടനം ചെയ്തു. യൂത്ത് ഫെസ്റ്റിവൽ ജനറൽ കണ്‍വീനർ ബിജു തോണിക്കടവിൽ സ്വാഗതം ആശംസിച്ചു. ഫോമാ ജോയിന്‍റ് ട്രഷറർ ജോമോൻ കുളപ്പുര, നാഷണൽ കമ്മിറ്റിയംഗങ്ങളായ ഷിലാ ജോസ്, ജോമോൻ തത്തംകുളം, ബിനു മാന്പള്ളി എന്നിവർ പ്രസംഗിച്ചു.
തുടർന്ന് പ്രശസ്തരായ ഡാൻസ് മാസ്റ്റേഴ്സായ ടെൻസെൻ ആൻഡ് ശ്രീനയുടെ നേതൃത്വത്തിൽ വിവിധയിനം കലാപരിപാടികൾ അരങ്ങേറി. മത്സര വിജയികൾക്ക് ട്രോഫികൾ വിതരണം ചെയ്തു. ഫ്ളോറിഡയിലെ ഫോർട്ട് ഷാർലറ്റിലുള്ള കറി ആൻഡ് കബാബ് റസ്റ്ററന്‍റ് ഉടമ സുനിൽകുമാറിന്‍റെ നേതൃത്വത്തിൽ ഭക്ഷണശാലയും ഒരുക്കിയിരുന്നു.
യുവജനോത്സവത്തിന്‍റെ വൻ വിജയത്തിന് പ്രോഗ്രാം കോർഡിനേറ്റർ ഡോക്ടർ ജഗതി നായർ, ഫോമാ നാഷണൽ കമ്മിറ്റി അംഗങ്ങളായ ഷിലാ ജോസ്, ജോസ് മോൻ തത്തംകുളം, ജനറൽ കണ്‍വീനർ ബിജു തോണിക്കടവ് മറ്റു കമ്മിറ്റിയംഗങ്ങളായ സേവിമാത്യു, ബാബു ദേവസ്യ, തോമസ് ഡാനിയൽ ജൂനാ, തോമസ്, സുരേഷ് നായർ, ബിഷൻ ജോസഫ്, ജിനോ വർഗീസ്, ജോമോൻ തെക്കേതൊട്ടിയിൽ, വിജയൻ നായർ, ഡോളി വേണാട്, അജനാ കൃഷ്ണൻ, ആനിനാ ലാസർ, ദിയാ കന്പിയിൽ, ലിജൂ ആന്‍റണി, നോയൽ മാത്യു എന്നിവർ നേതൃത്വം നൽകി.
റിപ്പോർട്ട്: ജോയിച്ചൻ പുതുക്കുളം