ഹൂസ്റ്റണ്: ഹാർവി മഹാദുരിതബാധിതർക്കായി ഫോമാ സമാഹരിച്ച തുക കൈമാറി. കേരള സമാജം ഓഫീസിൽ നടന്ന ചടങ്ങിൽ ഫൊക്കാനയുടെ മുൻകാല പ്രസിഡന്റും ഹാർവി ഹെൽപ് ലൈൻ കണ്വീനറുമായ ജി.കെ. പിള്ളക്ക് ഫോമാ സൗത്ത് ഈസ്റ്റ് റീജണ് വൈസ് പ്രസിഡന്റ് റെജി ചെറിയാൻ തുക കൈമാറി.
ഫോമാ ചെയ്യുന്ന ഇത്തരം പ്രവർത്തനങ്ങൾ എപ്പോഴും നന്ദിയോടെ സ്മരിക്കുമെന്നും ജീവകാരുണ്യ പ്രവർത്തനങ്ങളിൽ റെജി കാണിക്കുന്ന ഉത്സാഹവും നേതൃപാടവവും ഫോമയ്ക്ക് ഒരു മുതൽക്കൂട്ടാണെന്നും റെജി മാറ്റുരയ്ക്കാൻ പറ്റാത്ത ഒരു നേതാവാണെന്നും ജി.കെ. പിള്ള പറഞ്ഞു. ഇതുപോലെയുള്ള പ്രവർത്തനങ്ങളിൽ ജനങ്ങൾ എപ്പോഴും കൂടെയുണ്ടാകുമെന്നും അദ്ദേഹം കൂട്ടിച്ചേർത്തു. യോഗത്തിൽ അസോസിയേഷൻ വൈസ് പ്രസിഡന്റ് ഡോ. മാത്യു വൈരമണ് അധ്യക്ഷത വഹിച്ചു. ഡോ. സാം ജോസഫ് സ്വാഗതം ആശംസിച്ചു. ക്നാനായ നാഷണൽ പ്രസിഡന്റ് ബേബി മണക്കുന്നേൽ, നാഷണൽ കമ്മിറ്റി അംഗം ബാബു മുല്ലശേരി, ഫോമയുടെ ആദ്യകാല ട്രഷറർ എൻ.ജി മാത്യു, ഫോമ പ്രസിഡന്റ് സ്ഥനാർഥി ഫിലിപ്പ് ചാമത്തിൽ, ട്രഷറർ കെന്നഡി ജോർജ്, ബിജു (ലോസണ് ട്രാവൽസ്), പ്രേംദാസ്, ബാബു തെക്കേക്കര, സെലിൻ ബാബു, പൊന്നുപിള്ള, തോമസ് ഓലിയാംകുന്നേൽ, സുനിൽ നായർ, തോമസ് തയ്യിൽ, സാം ജോണ്, രാജൻ യോഹന്നാൻ, മൈസൂർ തന്പി, ഡയസ് ദാമോദരൻ എന്നിവർ പ്രസംഗിച്ചു.
റിപ്പോർട്ട്: ജോയിച്ചൻ പുതുക്കുളം