ന്യൂയോർക്ക്: ഫൊക്കാന ന്യൂയോർക്ക് റീജണ് കലോത്സവും ഏകദിന കണ്വൻഷനും മെയ് അഞ്ച് ശനിയാഴ്ച രാവിലെ 10 മുതൽ (ക്യുൻസ്) ഫ്ളോറൽ പാർക്കിലുള്ള ടൈസണ് സെന്ററിൽ നടത്തപ്പെടുന്നു.
അമേരിക്കയിലേയും ഇന്ത്യയിലേയും നിരവധി രാഷ്ട്രീയസാംസ്ക്കാരിക നേതാക്കളുടെ സാന്നിദ്ധ്യം കൊണ്ടും പരിപാടികളുടെ ബാഹുല്യം കൊണ്ടും ഏറെ പുതുമകൾ നിറഞ്ഞ കലോത്സവമായിരിക്കുമെന്ന് ന്യൂയോർക്ക് റീജിയണൽ വൈസ് പ്രസിഡന്റ് ശ്രീകുമാർ ഉണ്ണിത്താൻ , സെക്രട്ടറി മേരിക്കുട്ടി മൈക്കിൾ, ട്രഷർ സജി പോത്തൻ, ജോയിന്റ് സെക്രട്ടറി മേരി ഫിലിപ്പ് എന്നിവർ പ്രസ്താവനയിലൂടെ അറിയിച്ചു.
കണ്വൻഷന്റെ രജിസ്ട്രേഷൻ ഇതിനോടകം ആരംഭിച്ചു കഴിഞ്ഞു. അഞ്ചു വയസു മുതൽ പത്തു വയസുവരെയുള്ളവരും, പതിനൊന്നു വയസുമുതൽ പതിനഞ്ചു വയസുവരെയുള്ളവരും, പതിനാറു വയസു മുതൽ ഇരുപത്തിനാലു വയസുവരെയുള്ളവരും യഥാക്രമം സബ് ജൂനിയർ, ജൂനിയർ, സീനിയർ എന്നീ ഗ്രൂപ്പുകളായിട്ടാണ് (കാറ്റഗറി എ, ബി, സി) മത്സരിക്കുന്നത്. ഫൊക്കാനയുടെ വിവിധ റീജണൽ യുവജനോത്സവങ്ങളിൽ വിജയികളായവരാണ് ഈ ദേശീയ യുവജനോത്സവത്തിൽ മത്സരിക്കാനെത്തുന്നത്. വിജയികളിൽനിന്ന് കലാപ്രതിഭ, കലാതിലകം എന്നിവരെ തെരഞ്ഞെടുക്കുന്നതായിരിക്കും.
മത്സരങ്ങളിൽ പങ്കെടുക്കുവാൻ ആഗ്രഹിക്കുന്നവർ മെയ് ഒന്നിന് മുൻപായി അപേക്ഷ സമർപ്പിക്കണമെന്ന് യുവജനോത്സവ പ്രോഗ്രാം കോർഡിനേറ്റർമാരായ മേരിക്കുട്ടി മൈക്കിൾ, ലൈസീ അലക്സ്, ഷൈനി ഷാജൻ, കെ.കെ. ജോണ്സണ് എന്നിവർ അറിയിച്ചു . അപേക്ഷാ ഫാറവും നിബന്ധനകളും ലഭിക്കുന്നതിന് എന്ന വിലാസത്തിൽ ഇമെയിൽ അയക്കുകയോ മുകളിൽ പറയുന്നവരുമായി ബന്ധപ്പെടുകയോ ചെയ്യാവുന്നതാണ്.
ന്യൂയോർക് റീജണ് കേരളോത്സവത്തിൽ ഫൊക്കാന ജനറൽ സെക്രട്ടറി ഫിലിപ്പോസ് ഫിലിപ്പ്, എക്സി.വൈസ് പ്രസിഡന്റ് ജോയി ഇട്ടൻ, ഫൌണ്ടേഷൻ ചെയർമാൻ പോൾ കറുകപ്പള്ളിൽ, വൈസ് പ്രസിഡന്റ് ജോസ് കാനാട്ട്,ട്രസ്റ്റീ ബോർഡ് വൈസ് ചെയർമാൻ ലീല മാരേട്ട്, ട്രസ്റ്റീ ബോർഡ് സെക്രട്ടറി ടെറൻസണ് തോമസ്, ട്രസ്റ്റീ ബോർഡ് മെന്പർ വിനോദ് കെആർകെ, നാഷണൽ കമ്മിറ്റി മെംബേർസായ ഗണേഷ് നായർ, അലക്സ് തോമസ്, ശബരി നായർ, ആൻഡ്രൂസ്. കെ .പി, അജിൻ ആന്റണി, അലോഷ് അലക്സ് തുണങ്ങിയവർ കേരളോത്സവത്തിന് നേതൃത്വം നൽകും.
റിപ്പോർട്ട്: ശ്രീകുമാർ ഉണ്ണിത്താൻ