ഒരുമയ്ക്ക് പുതിയ നേതൃത്വം
Friday, March 16, 2018 2:21 PM IST
ഹൂസ്റ്റണ്‍: പ്രമുഖ സാംസ്‌കാരിക സംഘടനയായ റിവര്‍സ്‌റ്റോണ്‍ നിവാസികളുടെ കൂട്ടായ്മയായ 'ഒരുമ റിവര്‍സ്‌റ്റോണിന്' പുതിയ നേതൃത്വം നിലവില്‍ വന്നു. റിവര്‍സ്‌റ്റോണിലെ മലയാളി സമൂഹത്തിന്റെ കലാസാംസ്‌കാരിക ഉന്നമനവും സാമൂഹിക പ്രവര്‍ത്തനങ്ങളുമായി പത്തുവര്‍ഷം പൂര്‍ത്തിയാകുന്ന ഒരുമയുടെ വാര്‍ഷിക പൊതുയോഗം ജനറല്‍ സെക്രട്ടറി ജയിംസ് ചാക്കോ മുട്ടുങ്കലിന്റെ വസതിയില്‍ ഫെബ്രുവരി 17-നു മുന്‍ പ്രസിഡന്റ് വിനോയ് കുര്യന്റെ അധ്യക്ഷതയില്‍ ചേര്‍ന്നു.

പുതിയ പ്രസിഡന്റായി ജോബി.വി.ജോസിനെ തെരഞ്ഞെടുത്തു. താഴെ പറയുന്നവരാണ് മറ്റു ഭാരവാഹികള്‍.
രശ്മി സന്തോഷ് വൈസ് പ്രസിഡന്റ് ജയിംസ് ചാക്കോ മുട്ടുങ്കല്‍ ജനറല്‍ സെക്രട്ടറി ജസ്സി മാത്യു ജോയിന്റ് സെക്രട്ടറി ഫീനിക്‌സ് ഫിലിപ്പ് ട്രഷറര്‍ പയസ് ലൂക്കോസ്, റോയി സെബാസ്റ്റിയന്‍ പുല്ലോലില്‍, റോണി ചെമ്മനക്കര, ബിജു ആന്റണി, റെന്‍ജു സെബാസ്റ്റിയന്‍, എല്‍ദോസ് ജോസ്, പ്രതീഷ് കുര്യാക്കോസ്, ഉമ്മന്‍ ജോണ്‍, ഹെന്ററി പോള്‍ എന്നിവര്‍ എക്‌സിക്യൂട്ടീവ് അംഗങ്ങളായും പ്രവര്‍ത്തിക്കും. ആഘോഷങ്ങളൊടൊപ്പം സാമൂഹിക സേവനവും നടത്തി വരുന്ന ഒരുമ ഈ വര്‍ഷം കുട്ടികളുടെ ഉന്നമനത്തിനായി പല പരിപാടികളും നടത്തുവാന്‍ യോഗത്തില്‍ നിര്‍ദ്ദേശിച്ചു.

ഒരുമയുടെ ഈ വര്‍ഷത്തെ പിക്‌നിക്ക് ഏപ്രില്‍ 14നും, ഓണം സെപ്റ്റംബര്‍ 1നും നടത്തുവാന്‍ തീരുമാനിച്ചു. പുതിയ ഭാരവാഹികളെ അഭിനന്ദിച്ച് ഒരുമ സ്ഥാപകാംഗം ജോണ്‍ ബാബു, മുന്‍ വൈസ് പ്രസിഡന്റ് സെലിന്‍ ബാബു എന്നിവര്‍ സംസാരിച്ചു. മുന്‍ പ്രസിഡന്റ് വിനോയ് കുര്യന്‍ പുതി ഭാരവാഹികളെ അഭിനന്ദിച്ചു. ജയിംസ് ചാക്കോ മുട്ടുങ്കല്‍ അറിയിച്ചതാണിത്.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.