ഷിക്കാഗോ: ഷിക്കാഗോ കൈരളി ലയണ്‍സിന്‍റെ ഈ സീസണിലെ പിക്നിക് ജൂണ്‍ 3 ന് രാവിലെ 12 മുതൽ 6 വരെ (ഗ്ലിവ്യൂ)ലുള്ള ജോസ് പാർക്കിൽ വച്ച് (433 ELM St Cetnral & Shermar) നടത്തപ്പെടും. ഷിക്കാഗോയിലെ മുഴുവൻ വോളിബോൾ കളിക്കാരെയും, വോളിബോൾ പ്രേമികളെയും, അഭ്യൂദയകാംക്ഷികളെയും പങ്കെടുപ്പിച്ചുകൊണ്ട് നടത്തുന്ന ഈ മഹാസംഗമത്തിന് പ്രവീണ്‍ തോമസ്, ജോസ് മണക്കാട്ട് എന്നിവർ കണ്‍വീനർമാരായുള്ള കമ്മിറ്റി വിപുലമായ ഒരുക്കങ്ങൾ നടത്തിവരുന്നു.
ഷിക്കാഗോയിലെ വോളിബോൾ കളിക്കാർക്കും വോളിബോളിനെ നെഞ്ചോടു ചേർക്കുന്നവർക്കും ഓർത്തുവയ്ക്കാനും സ്മരണകൾ പങ്കിടാനും ഇത് നല്ലൊരു അവസരമാണെന്നതിൽ സംശയമില്ല.
സിബി കദളിമറ്റം (പ്രസിഡന്‍റ്), സാജൻ തോമസ് (വൈസ് പ്രസിഡന്‍റ്), ടോണി സങ്കാര (സെക്രട്ടറി), പ്രിൻസ് തോമസ് (ട്രഷറർ), അലക്സ് കാലായിൽ (ജോ. സെക്രട്ടറി), റിന്‍റു ഫിലിപ്പ് (ഓഡിറ്റർ), പ്രവീണ്തോമസ് (കണ്‍വീനർ), ജോസ് മണക്കാട്ട് (കണ്‍വീനർ), പ്രദീപ് തോമസ്, നിമ്മി തുരുത്തുവേലിയിൽ, പുന്നൂസ് തച്ചേട്ട്, ജെസ്സ്മോൻ പുറമടം എന്നിവരാണ് സഘാടകർ. ചിക്കാഗോയിലെ എല്ലാ നല്ലവരായ കായികപ്രേമികളെയും ഈ പിക്നിക്കിലേക്ക് ഹൃദയപൂർവ്വം ക്ഷണിക്കുന്നു, സ്വാഗതം ചെയ്യുന്നു. അന്നേദിവസം വോളിബോൾ കളിക്കുന്നതിനും കളി കാണുന്നതിനും അവസരം ഉണ്ടായിരിക്കുന്നതാണ്.
കൂടുതൽ വിവരങ്ങൾക്ക്: സിബി കദളിമറ്റം (184 733 88265), പ്രവീണ്‍ തോമസ് (184 776 90050), ജോസ് മണക്കാട്ട് 18478304128.
റിപ്പോർട്ട്: ജോയിച്ചൻ പുതുക്കുളം